Վիքիպեդիայից՝ ազատ հանրագիտարանից
Տենգինկա (Հայկական Շափշուղո, ռուս.՝ Тенгинка), հայաբնակ գյուղ Ռուսաստանի Դաշնության Կրասնոդարի երկրամասի Տուապսեի շրջանում։ Գտնվում է Շափշուղո (Շափսուղո) գետի հովտում, Տուապսեից 60 կմ հյուսիս-արևմուտք և ծովի մակարդակից 21 մ բարձրության վրա։
1897 թվականին գյուղն ուներ 458 բնակիչ, որից 239 տղամարդ և 219 կին` միայն հայեր։ 1905 թվականին գյուղն ուներ 69 տուն։ 1913 թվականին՝ 76 ընտանիք և 434 բնակիչ, որից 236 տղամարդ և 198 կին։ 1920 թվականին գյուղն ուներ 127 տուն (այրվել է 9 տուն) և 744 բնակիչ, որից 372 տղամարդ, 372 կին և 282 երեխա` մեծ մասամբ հայեր (70%) և ռուսներ։ 1925 թվականին կար 117 տուն և 640 բնակիչ, որից 330 տղամարդ և 310 կին։
| Հաշվառման տարեթիվը |
Բնակիչների թվաքանակը
|
| 1999 |
2248
|
| 2002 |
2238
|
| 2010 |
2260
|
Ներկայումս, բացի հայերից, գյուղում ապրում են ռուսներ, մոլդովացիներ և ուկրաինացիներ։ Բնակիչներն զբաղվում են այգեգործությամբ և բանջարաբուծությամբ։ Գյուղն ունի միջնակարգ դպրոց, ակումբ, մանկապարտեզ և բուժկայան։
Գյուղը հիմնադրել են Սամսունից եկած համշենահայերը` 1859-1864 թվականներին և անվանել Շափշուղո[3]։ Գյուղի գերեզմանոցի մոտ պահպանվել է կիսավեր հայկական չգործող եկեղեցի։ 2003 թվականին կառուցվել է նոր հայկական եկեղեցի (Սուրբ Վերափոխման տաճար)։
Գյուղի մոտակայքի լեռներում կան ջրվեժներ, որոնք զբոսաշրջիկների սիրած վայրերից են։
2003 թվականին գյուղում բացվում է բազիլիկ եկեղեցի, որը կոչվում է սուրբ Աստվածածնի վերափոխման անվամբ։ Այն ենթարկվում է Մայր Աթոռ Սուրբ Էջմիածնի Հարավային Ռուսաստանի հայոց թեմին, համակարգում է գյուղում բնակվող առաքելական ռուսահայության հոգևոր կյանքը։ Բազիլիկ կառույցը ունի զանգակատուն, ամբողջությամբ ճերմակ է, և ունի ինչպես հայկական, այնպես էլ եվրոպական ճարտարապետության բնորոշ տեսք։
Միաժամանակ, գյուղի գերեզմանների տարածքում գտնվում է մեկ այլ հայկական եկեղեցի, որն այժմ չի գործում։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ 
|
|
|---|
| | Տուապսեի շրջանի հայաբնակ գյուղեր | |
|---|
| | Լքված (անհայտ) | Կոտլովինսկոյե • Մելքոնով • Մերգելով • Նաթանսուրան • Չաթանլուղ • Պոյրոզյան • Սարգիսովո |
|---|
|
Ռուսաստան
