越秀公園站

越秀公園 Yuexiu Park
越秀公園站嘅站名
概覽
冧巴	215
位置	解放北路同埋流花路嘅交界附近
座標	23°8′24.72″N 113°15′40.32″E / 23.1402000°N 113.2612000°E / 23.1402000; 113.2612000
車站色
經過路線	2
啟站	2002年12月29號
月台數	1
站口數	7
營運資訊
車站服務時間	06:13～00:01
列車服務時間	06:08～00:06
廣州地鐵2號綫 廣州南站　◄紀念堂 （900m） （960m）廣州火車站►　嘉禾望崗

越秀公園站（粵拼：jyut6 sau3 gung1 jyun2 zaam6；英文：Yuexiu Park Station）係廣州地鐵2號綫嘅車站，2002年12月29號開放，位置喺越秀區解放北路同埋流花路嘅交界附近。

呢個站一共有2層樓嘅地下區域，其中地下1樓係站廳，有票務設施，客務中心同商鋪；地下2樓係設備區；地下3樓係2號綫嘅月台。同大多數嘅2號綫車站一樣，冇休息室同廁所響度。

地下 一樓	北站廳	售票機、客服中心、地鐵警務室
	南站廳	售票機、客服中心
地下 二樓	設備區	車站設備
地下 三樓	1月台	←2號綫列車去廣州火車站（行嘉禾望崗嗰邊）
	分離島式月台，開左邊門
	2月台	2號綫列車去紀念堂站（行廣州南站嗰邊）→

呢個站係分開咗南北兩個站廳，而且兩個站廳嘅免費區係冇連埋一齊嘅。而車站嘅商舖方面，都喺嗮車站嘅免費區入面。兩個站廳嘅收費區都有扶手電梯同樓梯同專用𨋢往返月台嗰邊，但由於專用𨋢喺月台幕門出面嘅區域，乘客如估有需要嘅話，可以向車站嘅工作人員查咗車飛之後嚟協助用。

呢個站有1個分離島式月台，喺解放北路流花路口嘅地底。月台中間重有條暗挖嘅人行隧道響度，嚟方便啲乘客去邊個站廳都得。

而家嘅越秀公園站提供咗唔同類嘅商鋪嚟畀乘客入去買嘢同食嘢，好似有便利鋪、麵包鋪、糕餅鋪、書檔同埋洗衫檔呢啲。大部分嘅商鋪都喺嗮北站廳嘅非收費區入面。

重有，越秀公園站入面重有好多自助服務設施畀乘客用，包括咗自動販賣機、自動影相機、中國建設銀行自動櫃員機等，車站入面重有好易機嚟充羊城通，交水電費同交通罰錢呢啲服務、而M-Touch機重可以查到地鐵路線、頭尾班車同埋地鐵安全指引，重方便畀啲乘客登入去廣州地鐵薈會員嚟查獎分同換獎品。

越秀公園站冚唪唥嘅出入口
A出入口  B1出入口  B2出入口  D2出入口  C出入口  E出入口

呢個站有7個出入口，分別係A、B1、B2、C、D1、D2、E、F，但係A、E兩個出入口同埋B、C、D、F四個出入口之間嘅站廳都唔相連。

編號	標記	方位	去到邊度
南站廳
出入口A	解放北路	東南	解放北路、越秀公園西南門、以太廣場
出入口E	盤福路	南	盤福路、解放北路、西漢南越王博物館、解放北路巴士站
北站廳
出入口B1	越秀公園正門	東	越秀公園正門、以太廣場、越秀公園(北行)巴士站
出入口B2	解放北路	西北偏北	解放北路、廣州蘭圃、廣州地鐵設計研究院有限公司、越秀公園(南行)巴士站
出入口C	流花路	西北偏西	流花路、流花湖公園、同人賓館、解放北路口巴士站
出人口D1	流花路	西	流花路、人民北路、流花湖公園、東方賓館、中國大酒店
出入口D2	解放北路	西南偏西	解放北路
註： 有盲人引導徑 | 有斜道 | 有輪椅升降臺

配線圖
█ 2號綫 ▲廣州火車站
▼紀念堂站

行去邊頭	頭班車	尾班車
每日
2號綫
廣州南站	06:16	00:01
嘉禾望崗站	06:13	23:33
注意： 喺晚黑最後一班車開走之前嗰5分鐘之內， 係唔畀入閘坐車（包括埋買車飛）。

喺1988年嘅「十字綫網」規劃入面就出咗而家嗌「越秀公園」嘅車站。嗰時係2號綫嘅一棟車站，就喺差唔多而家嘅越秀公園站嗰度。後嚟喺1997年嘅《廣州市城市快速軌道交通線網規劃研究（最終報告）》話咗，呢個站係2號綫嘅車站，重加入咗2號綫首通段嘅工程入面。而2號綫嘅一期工程喺1999年10月10號開始逳手。

喺起緊2號綫嗰陣，由於佢北邊嘅越秀公園站附近所經過嘅地方都係啲溶洞同人工湖嘅地區，重有附近嘅中國大酒店都係嗰時嘅交易會地區（交易會喺2004年搬咗去琶洲）而影響咗起成個站廳同埋解放北路大塞車嘅問題，結果改咗幾次設計，最後決定起兩個站廳。重有嘅係2號綫要行過越秀公園到廣州火車站之間嘅舊廣州體育館（唔係而家嘅廣州體育館）地底。如估拆咗舊嘅體育館就可以喺呢度搞明挖法施工，重好大噉降低咗施工嘅風險性。最後，舊嘅廣州體育館喺2001年5月18號已經拆咗，而家呢度係塊空地。

2002年12月29號，2號綫首通段開通咗之後，呢個站就開咗。

呢個站而家有7個出入口，之前重整咗條通道去原來嘅流花廣交會展館，不過隨著流花廣交會展館拆除，呢條通道而家已經冇再開。

呢個站同海珠廣場站差唔多，由於附近有好多大嘅賓館，同埋越秀公園、流花湖公園、西漢南越王博物館呢啲景點響度，而且重有桂花崗、廣園新村、雲苑新村一帶啲居民都喺呢個站轉巴士入去；所以呢個站嘅客流都好多下。

喺呢個站開通冇幾耐，附近重有中國出口商品交易會嘅流花展館同埋錦漢展覽中心響度，而呢啲展館都係用嚟辦每年兩屆嘅廣交會同埋重大展覽，喺嗰時有好多客流同埋商人、參觀遊客都喺呢個站落車。不過到咗2008年，由於流花展館話唔辦展覽喇，而且錦漢展覽中心都拆埋，而家展覽會都搬嗮去琶洲度辦喇。

• 越秀公園
• 草暖公園
• 廣州蘭圃

• 中國大酒店
• 東方賓館

• 以太廣場

• 西漢南越王博物館

• 象崗

• 先賢清真寺

上一站⇚⇚　　　　廣州地鐵　　　　⇛⇛下一站
紀念堂站 廣州南站←	越秀公園站 2號綫	廣州火車站 →嘉禾望崗站