Montana

Montana Chiu
*State of Montana*
Montana Chiu; State of Montana
Chiu-kî	Chiu-chiong
	Chhiok-hō: Big Sky Country, The Treasure State
	Piau-gí: Oro y Plata (Kim kap Gîn)
	Map of the United States with Montana highlighted
Koan-hong gí-giân	Eng-gí
Chū-bîn chheng-ho͘	Montanan
Siú-hú	Helena
Siāng-tōa siâⁿ-chhī	Billings
Siāng-tōa to͘-hōe	Billings To͘-hōe-khu
Bīn-chek	Pâi-miâ tē-4
• Ha̍p-kè	147,040 sq mi ; (380,800 km2)
• Tang-sai khoah	630 lí (1,015 km)
• Lâm-pak khoah	255 lí (410 km)
• % chúi-bīn	1
• Hūi-tō͘	44° 21′ N to 49° N
• Keng-tō͘	104° 2′ W to 116° 3′ W
Jîn-kháu	Pâi-miâ tē-44
• Ha̍p-kè	1,042,520 (2016 est.)
• Bi̍t-tō͘	7.09/sq mi (2.73/km2); Pâi-miâ tē-48
• Hō͘-kháu siu-ji̍p tiong-ta̍t	$51,395 (37th)
Koân-tō͘
• Ko-tiám	Granite Peak; 12,807 ft (3903.5 m)
• Pêng-kin	3,400 ft (1040 m)
• Kē-tiám	Kootenai Kang, tī Idaho pian-kài; 1,804 ft (557 m)
Siat chiu chìn-chêng	Montana Léng-thó͘
Sin chiu seng-li̍p	1889 nî 11 goe̍h 8 ji̍t (tē-41)
Chiu-tiúⁿ	Steve Bullock (D)
Hù-chiu-tiúⁿ	Mike Cooney (D)
Li̍p-hoat	Montana Li̍t-hoat-hōe
• Siōng-gī-īⁿ	Chham-gī-īⁿ
• Hā-gī-īⁿ	Chiòng-gī-īⁿ
Chham-gī-goân	Jon Tester (D); Steve Daines (R)
Chiòng-gī-īⁿ tāi-piáu	Greg Gianforte (R) (lia̍t-toaⁿ)
Sî-khu	Soaⁿ-tē: UTC -7/-6
ISO 3166	US-MT
Kán-siá	MT, Mont.
Bāng-chām	www.mt.gov

Montana sī Bí-kok ê chi̍t-ê chiu. Siú-hú tī Helena. Siāng toā ê siâⁿ-chhī sī Billings.

Tē-hō-miâ

Montana chit jī sī tùi Se-pan-gâ-gí Montaña hō--lâi, ì-sù sī "soaⁿ" he̍k-chiá "soaⁿ-tē", "soaⁿ-khu".^[6]^[7]

Tī se-pō͘ ê soaⁿ-khu, chá-kî sī hō͘ Se-pan-gâ thàm-hiám-chiá hō chò Montaña del Norte.^[7] Eng-gí ê Montana chit jī, tāi-seng sī Ohio ê James Ashley chú-chhî ê Bí-kok Chham-gī-īⁿ Léng-thó͘ Úi-oân-hōe (United States House Committee on Territories) tī chiam-tùi sin-siat Idaho Léng-thó͘ ê hoat-àn lāi-bīn sú-iōng--ê.^[8] Tong-sî hō͘ kî-tha ê chi̍t kóa chham-gī-oân hoán-tùi, lí-iû sī Montana "bô ì-sù".^[8] Kàu 1864 nî, beh tùi Idaho pun chhut sin léng-thó͘ ê sî-chūn, Ashley koh chi̍t pái chhái-ēng Montana, m̄-koh iû-goân siū tio̍h hoán-tùi, pí-lūn gī-oân Samuel Cox jīn-ûi chia tōa-hūn só͘-chāi lóng m̄-sī soaⁿ-tē, jî-chhiá jīn-ûi ēng goân-chū-bîn ê miâ pí Se-pan-gâ miâ khah hó-sè.^[9] Tong-sî ia̍h ū lâng thê chhut Shoshone, chóng-sī tè-bé chūn koat-tēng chiàu Léng-thó͘ Úi-goân-hōe ê ì-kiàn sú-iōng Montana.^[9]

Tē-lí

Montana sī Bí-kok biān-chek pâi tē-4 ê chiu-hūn, lóng-chóng 380,800 pêng-hong-bí, tī i thâu-chêng sī Alaska (siāng-tōa), Texas, kap California. Pún chiu ùi pak-pêng 877 kong-lí tn̂g ê pian-kài, si kap Kha-ná-tah ê British Columbia, Alberta, kap Saskatchewan 3-ê séng sio-chiap; lēng-gōa ùi i tang-pêng sī kâng-kok ê North Dakota chham South Dakota, lâng pêng sī Wyoming, sai-pêng kiam sai-lâm sī Idaho.

Le̍k-sú

Montana khah-chá sī chi̍t kóa goân-chū bîn-cho̍k teh seng-oa̍h. Au-chiu-lâng kap Bí-kok ê khui-khún-chiá kòe--lâi liáu-áu só͘ gū tio̍h ê pō͘-cho̍k ū tiong-lâm-pō͘ ê Crow; tang-lâm-pêng ê Cheyenne; koh ū tiong-pō͘ kiam tiong-pak-pō͘ ê Blackfeet, Assiniboine kap Gros Ventres; chham sai-pêng ê Kootenai kap Salish; lēng-gōa mā ǔ ti Flathead Ô͘ ê Pend d'Oreille kap sai-pêng soaⁿ-tē ê Kalispel.

Montana óa tāi-lio̍k hun-kài (continental divide) tang-pêng ê hit pō͘-hūn, sī hâm tī 1803 nî Louisiana Siu-bé lāi-té.

Tong It-chhù Tāi-chiàn hoat-seng ê sî, Montana chhut-sin ê Bí-kok thâu chi̍t ūi lú-seng kok-hōe gī-oân Jeannette Rankin hoan-tùi soan-chiàn, m̄-koh siū tio̍h chāi-tē lâng phó͘-phiàn phoe-phêng, hit chūn chi-chhî chham-chiàn sī chú-liû ì-kiàn. Tùi 1917 nî kàu 1918 nî kî-kan ū 40,000 lâng hong chio ji̍p kun-tūi.

Bí-kok tī 1941 nî 12 goe̍h 8 ji̍t ka-ji̍p Jī-chhù Tāi-chiàn ê sî, í-keng chin chē lâng tâu-kun, koh tī soan-chiàn liáu-āu thâu nî sin ji̍p 40,000 lâng ji̍p-iâⁿ; kàu chiàn-cheng kiat-sok hit chūn, í-keng 57,000 lâng cho-peng, sī kui-chiu jîn-kháu ê 10%, kî-tiong mā bōe chió sī goân-chū-bîn, pau-koat chham-ú Bi̍t-bé káng-chiá (Code talker) ê Crow-kok (Crow Nation) cho̍k-lâng.

Léng-chiàn sî-kî, Montana hoat-tián chò Bí-kok khong-kun Kun-sū Khong-tiong Ūn-su Pō͘-mn̂g (Military Air Transport Service) ê chóng-pō͘.

Jîn-kháu

Chiàu Bí-kok Phó͘-cha Kio̍k ê ko͘-sǹg, Montana tī 2015 nî 7 goe̍h chhe 1 ê jîn-kháu ū 1,032,949, pí 2010 nî Bí-kok Phó͘-cha ê thóng-kè ke 4.40%.^[10]

Keng-chè

Montana tī 2014 nî ê GDP sī 44,269 pa̍h-bān bí-kim.^[11] Chiàu 2015 nî ê chu-liāu, pún chiu siāng-chē lâng chò ê khang-khòe sī kiān-khong chiàu-kò͘ kap siā-hōe hû-chō͘ (health care and social assistance) sán-gia̍p.^[12]

Montana tī 2015 nî kui tang ê n̂g-tāu sán-liōng ū 10.3 pa̍h-bān tòng.^[13]

Kau-thong

Chū 1880 nî-tāi khai-sí, thih-lō͘ chiū sī Montana tiōng-iàu ê ūn-su hong-sek. Le̍k-sú-siōng keng-kòe pún tē-hng ê tang-sai hong-hiòng khoah chiu lō͘-sòaⁿ chú-iàu ū Milwaukee Lō͘ (Milwaukee Road), Tōa Pak-hng (Great Northern), kap Pak-hng Thài-pêng-iûⁿ (Northern Pacific). King-á-ji̍t tī Montana siāng tōa ê thih-lō͘ lō͘-sòaⁿ sī BNSF Railway, sī tùi chá-chêng Tōa Pak-hng kè-sio̍k--lâi-ê. Tī Montana se-pō͘, koh ū Montana RailLink, choan-bûn teh keng-êng í-chá sio̍k Pah-hng Thài-pêng-iûⁿ ê hē-thóng. Amtrak ê Empire Builder lia̍t-chhia mā tùi pak-pêng keng-kòe Montana.

Su-chì

"Congressional Globe, 38th Congress, 1st session". Library of Congress. March 17, 1864. April 1, 2013 khòaⁿ--ê.
"Granite Peak". National Geodetic Survey. 2008. March 28, 2013 khòaⁿ--ê.

Chù-kha

↑ "United States Summary: 2010, Population and Housing Unit Counts, 2010 Census of Population and Housing" (PDF) (PDF). United States Census Bureau. September 2012. p. 41 (Table 18). April 11, 2014 khòaⁿ--ê.
↑ "Population and Housing Unit Estimates". U.S. Census Bureau. June 22, 2017. June 22, 2017 khòaⁿ--ê.
↑ "Median Annual Household Income". The Henry J. Kaiser Family Foundation. December 9, 2016 khòaⁿ--ê.
↑ ^4.0 ^4.1 National Geodetic Survey 2008.
↑ ^5.0 ^5.1 Geological Survey 2001.
↑ Montana Historical Society (1910). Contributions to the Historical Society of Montana. Rocky Mountain Publishing Company. pp. 47–.
↑ ^7.0 ^7.1 Malone, Roeder & Lang 1991, pp. 95–96.
↑ ^8.0 ^8.1 Sanders 1910, pp. 15–60.
↑ ^9.0 ^9.1 Library of Congress 1864.
↑ "Table 1. Annual Estimates of the Resident Population for the United States, Regions, States, and Puerto Rico: April 1, 2010 to July 1, 2015" (CSV). U.S. Census Bureau. December 26, 2015. December 26, 2015 khòaⁿ--ê.
↑ Total Gross Domestic Product by State for Montana, FRED.
↑ "Major industries with highest employment, by state, 1990-2015". Bureau of Labor Statistics. U.S. Bureau of Labor Statistics. 2016-08-05. 2017-01-23 khòaⁿ--ê.
↑ "U.S. Yield & Production: Production by State". SoyStats. The American Soybean Association. 2017-02-16 khòaⁿ--ê.

[census-1] "United States Summary: 2010, Population and Housing Unit Counts, 2010 Census of Population and Housing" (PDF) (PDF). United States Census Bureau. September 2012. p. 41 (Table 18). April 11, 2014 khòaⁿ--ê.

[PopHousingEst-2] "Population and Housing Unit Estimates". U.S. Census Bureau. June 22, 2017. June 22, 2017 khòaⁿ--ê.

[3] "Median Annual Household Income". The Henry J. Kaiser Family Foundation. December 9, 2016 khòaⁿ--ê.

[FOOTNOTENational_Geodetic_Survey2008-4] 4.0 ^4.1 National Geodetic Survey 2008.

[FOOTNOTEGeological_Survey2001-5] 5.0 ^5.1 Geological Survey 2001.

[Society1910-6] Montana Historical Society (1910). Contributions to the Historical Society of Montana. Rocky Mountain Publishing Company. pp. 47–.

[FOOTNOTEMaloneRoederLang199195–96-7] 7.0 ^7.1 Malone, Roeder & Lang 1991, pp. 95–96.

[FOOTNOTESanders191015–60-8] 8.0 ^8.1 Sanders 1910, pp. 15–60.

[FOOTNOTELibrary_of_Congress1864-9] 9.0 ^9.1 Library of Congress 1864.

[PopEstUS-10] "Table 1. Annual Estimates of the Resident Population for the United States, Regions, States, and Puerto Rico: April 1, 2010 to July 1, 2015" (CSV). U.S. Census Bureau. December 26, 2015. December 26, 2015 khòaⁿ--ê.

[11] Total Gross Domestic Product by State for Montana, FRED.

[12] "Major industries with highest employment, by state, 1990-2015". Bureau of Labor Statistics. U.S. Bureau of Labor Statistics. 2016-08-05. 2017-01-23 khòaⁿ--ê.

[13] "U.S. Yield & Production: Production by State". SoyStats. The American Soybean Association. 2017-02-16 khòaⁿ--ê.

[1]