Liû-kiû-lâng

Liû-kiû-lâng (琉球儂), ia̍h Liû-kiû bîn-cho̍k (琉球民族), sī Liû-kiû Kûn-tó ê goân-chū bîn-cho̍k. Liû-kiû-lâng sī Ji̍t-pún ê tē-jī tōa bîn-cho̍k. Le̍k-sú siōng, Liû-kiû-lâng ū kiàn-li̍p to̍k-li̍p ê bîn-cho̍k kok-ka, hō-chò Liû-kiû-kok. In chú-iàu tòa tī Liû-kiû kûn-tó; lēng-gōa ū chi̍t-kóa khì tòa tī Ji̍t-pún pún-thó͘ kap Tâi-oân. Liû-kiû-gí sī in-ê cho̍k-gí, m̄-koh í-keng ū chi̍t-kóa Liû-kiû-lâng bē-hiáu kóng ah, kái kóng thong-iōng ê Okinawa Ji̍t-gí.