Tiyamene

Li tiyamene u vitamene B1, c' est ene vitamene del troke des vitamenes B.

Ele si dismantche dins l' aiwe, et dner ene solucion sins coleur.

Si fôrmule tchimike, c' est C12H17N4OS.

Ele cåze des maladeyes bén cnoxhowes des årtisses ås poyons, ås veas et ås agneas.

Li mancance di vitamene B1 ni s' voet nén sovint dins les poyons et les polets d' poytreye, paski k' end a sovint assez dins les amagnîs k' on-z eploye po les alimints. Dins tos les cas, c' esteut l' cas avou les raeces des anêyes 1960.^[1]

Cwand elle arive tolminme, les polets mostrèt des senes del maladeye 3 samwinnes après l' sognaedje avou des farenes k' i lzî manke del vitamene B1. Mins po les ptits poyons, on pout ddja aveur des cas divant l' ådje di 15 djoûs.

Si on les rabuvere avou del vitamene B1, les poyons polèt rweri so kékès eures.^[2]

Li maladeye k' on lome "Moraedje del schoice do cervea" et k' acsût les veas et les agneas respond raddimint å médiaedje al vitamene B1, sins k' on polaxhe dire ki c' est ene mancance primrece del vitamene.

1. ↑ Live veterinaire Merck, ed. 1967, pp 1440-1441.
2. ↑ R.E. Austic and M.L. Scott, Nutritional deficiency diseases, divins "Diseases of poultry, ed. pa M.S. Hofstad, Iowa State University Press, Ames, Iowa, USA ISBN 0-8138-0430-2, p. 50.