Jèzoło

**Jèzoło**
Jesolo (it)
	; ;
Pozision
	45°32′N 12°39′E
Stato	Itàłia
Rejon	Vèneto
Sità metropułitana	Sità metropułitana de Venèsia
Capitałe	Iesolo (it)
Popołasion
Totałe	26 558 (2023)
Densità	275,5 hab./km²
Zènaro
Zeografia
Àrea	96,4 km²
Bagnà da	Piave, mar Adriàtego e Sil
Altitùdene	2 m
Rente a	Cavałin-Treporti ; Eraclea ; Venèsia ; Muziłe ; San Donà de Piave
Dati istòreghi
Dì festivo	Festa patronałe(24 de giugno)
Patrono	Joani Batista
Còdazi de identifegasion
Còdaze postałe	30016
Còdaze de matricołasion	VE
Fuzo oràrio	UTC+1 ; UTC+2
Clasifegasion climàtega	clima subtropegałe ùmido
Prefiso tełefònego	0421
ID ISTAT	027019
Còdaze catastałe de Itàlia	C388
Sito web	comune.jesolo.ve.it

Jèzoło o Jézol el xe un comùn de 24 479 abitanti inte ła Provincia de Venesia. Łe se cata a nord-est del cavołógo, su quea penìxoła che ghe xe infrà laguna e Mar Adriàtico, sora de Cavałin.

Indove ancuo ghe xe el comun de Gèxoło, na volta, fin al IX sècoło, ghe gera na sitadina bastansa rica ciamada Equilium. Sta qua ła gera anca sede de na diòcexi, ma par via de catàstrofe climàteghe ła ga perso tuta ła sóa inportansa. Sto séntro el xe nasùo na seconda volta col nome de Cavazucarina, grasie a ła famégia dei Soranzo, chei gaveva paréci teréni da ste parte. Inte el 1499 i ga sièlto de desviar el Piave e el Sil faxendo un canal chel pasava indrìo sti posti, chei ga tólto el nome de Cavazucarina da Alvise Zucharin, ingegnèr ciamà par reałixar sto progeto.

Dopo la desfata de Caporèto inte el 1917, i Striaci xe rivài fin a ła Piave Nova dove i xe stai conbatui dai Itałiani che inte el 1918 i ga avansà fin in Istria e che i ga mandà via i Striaci che ga perso ła guèra. Infati a Gèxoło se pol vedar i bunker anca de ła Seconda Guèra Mondial fati dai todeschi nazisti e dai fasisti de Musołini. Tra questi bunker xe stà fato uno su l'altare e cripta (no vixitabiłi) de ła basilega de Santa Maria, ciamada anca Antiche Mura. I ga rovinà tuti i mosaici e i ga destruto chel che restava de ła Basilica ciamada "ła pì bèa dopo San Marco".

Cavazucarina, come tuta ła costièra venesiana, ła sofriva sénpre ła prexensa de pałui, indove se ciapa fasilmente anca małani come ła małaria: łe bonìfeghe łe xe scomensae inte el 1920 e łe ga avùo ła bona conseguénsa del introdusion de coltivasion de formento, formenton e rave. Ste nove atività łe ga agiutà a sołevar Cavazucarina, che, el 28 de agosto 1930 el ga tólto el nome de ancuo, Jèxoło, evołusion del'antigo Equilium.

Dal secondo dopoguera Jèxoło ła xe cresua anca grasie al turismo: inte i ùltemi ani ła mancansa de spasio ła ga portà a crear edifisi senpre più alti, diti tore. Ancuo Gèxoło ła ga na spiada de disète chiłòmetri^[2], ła più łonga de Itałia, e ła fa rivar parécia xente durante l'istà, co el paéxe el riva a ospitar anca 500 000 abitanti.^[3]

Evołusion demografica

Abitanti censii

Fonte

↑ voze de refarensaistat.it.
↑ Spiada de Gèxoło dal Gaxetin del 28-08-2008 Archivià il 18 de zenaro 2012 in Internet Archive.
↑ Jesolo

Wikimedia Commons el detien imàjini o altri file so Jèzoło
Scholia el detien schemi gràfeghi so Jèzoło

Controło de autorità	VIAF (EN) 168177167 · LCCN (EN) n86081186 · GND (DE) 4257239-3 · BNE (ES) XX6018839 (data) · WorldCat Identities (EN) n86-081186

[16139ca327c50d72c40d8c5fd3abe706b989650e-1] voze de refarensaistat.it.

[2] Spiada de Gèxoło dal Gaxetin del 28-08-2008 Archivià il 18 de zenaro 2012 in Internet Archive.

[3] Jesolo

[1]