Nebomoreoblaka

„Nebomoreoblaka“
Zemfira qoʻshigʻi
Chiqarilgan sanasi	20-may 2004-yil
Yozib olingan	2004
Studiya	Studiya MGSU
Janr	alternativ rok; xard-rok; nyu-metal; (albom versiyasi) elektronika; alternativ rok; (radio versiyasi)
Davomiyligi	03:37
Leybl	REAL Records
Matn muallif(lar)i	Zemfira
Bastakor(lar)	Zemfira
Zemfira xronologiyasi
Klipi
	„Nebomoreoblaka“ YouTubeda

„Nebomoreoblaka“ (ruscha: Небомореоблака, yaʼni, „Osmondengizbulutlar“) — rossiyalik qoʻshiqchi Zemfira ijro etgan qoʻshiq. 2004-yilning 20-mayida Zemfiraning „Vendetta“ nomli toʻrtinchi studiyaviy albomining birinchi singli oʻlaroq chiqarilgan. Qoʻshiqning ilk versiyasi elektron musiqa janrida boʻlib, albom uchun ogʻir, har-rok janriga xos versiya yozilgan. Qoʻshiqning matnini ham, musiqasini ham Zemfiraning oʻzi yozgan.

„Nebomoreoblaka“ qoʻshigʻida ijtimoiy masalalar haqida soʻz boradi. Jurnalistlar va tahlilchilar fikriga koʻra, ashulada shou-biznes tanqid qilingan^[1]. Ashulada rus qoʻshiqchisi Valeriya ismi tilga olingani rus matbuotida keng muhokama qilindi. Zemfira bergan intervyularining birida albomning nomi „Vendetta“ boʻlgani uchun „Endilikda qoʻshiqchi Valeriya kim uchun kuylashini bilaman“ (ruscha: Теперь я знаю кому поёт певица Валерия) misrasini vendetta oʻlaroq talqin qilish mumkingligini aytdi, ammo shaxsan oʻzi Valeriyani dushman hisoblamasligini taʼkidladi^[2].

Ashula tanqidchilar tomonidan yaxshi kutib olindi. Koʻpchilik tahlilchi „Nebomoreoblaka“ qoʻshigʻining rok versiyasini olqishladi^[3]. Tanqidchilar bu versiyani Korn, Rammstein, Led Zeppelin, Deep Purple hamda Nine Inch Nails ijodiga ijobiy qiyosladilar. Ashulani yozib olishda quyidagi shaxslar ishtirok etgan: Oleg Pungin (barabanlar), Korney (bas-gitara) hamda Yuriy Saler (gitara).

Qoʻshiq Rossiyada keng tanildi hamda rus radio xit-paradida ikkinchi oʻringacha koʻtarildi. „Nebomoreoblaka“ 2011-yil „Time Out“ jurnali tomonidan tuzilgan „Hayotimizni oʻzgartirgan 100 qoʻshiq“ (ruscha: 100 песен, изменивших нашу жизнь) roʻyxatidan oʻrin oldi^[4].

Jamoa

Zemfira — musiqa, ashula matni, vokal
Oleg Pungin — barabanlar
Korney — bas-gitara
Yuriy Saler — gitara
Bolshakov — injener
Denis Yurovskiy — yordamchi

Manbalar

↑ „О новой песне Земфиры“ (deadlink). «Лефт.Ру». 2014-yil 16-martda asl nusxadan arxivlangan. Qaraldi: 2011-yil 2-sentyabr.
↑ „«После выхода альбома я не имею к нему отношения»“ (deadlink). Русский Newsweek. 2011-yil 18-avgustda asl nusxadan arxivlangan. Qaraldi: 2011-yil 2-sentyabr.
↑ „Земфира «Вендетта»/мужской взгляд“ (deadlink). KM.RU Образование. 2011-yil 18-avgustda asl nusxadan arxivlangan. Qaraldi: 2011-yil 2-sentyabr.
↑ Максим Тувим, Антон Милехин, Дмитрий Демидов. „100 песен, изменивших нашу жизнь“ (deadlink). Time Out (2011-yil 13-dekabr). 2012-yil 23-fevralda asl nusxadan arxivlangan. Qaraldi: 2011-yil 22-dekabr.

Havolalar

Ushbu maqolani tinglang (2 daqiqa)

noicon

Bu audiofayl ushbu maqolaning 9-iyul, 2022-yil sanasidagi versiyasi asosida yaratilgan boʻlib, shu sanadan keyin amalga oshirilgan tahrirlarni aks ettirmaydi.

„Nebomoreoblaka“ YouTubeda (jonli ijro)

[left-1] „О новой песне Земфиры“ (deadlink). «Лефт.Ру». 2014-yil 16-martda asl nusxadan arxivlangan. Qaraldi: 2011-yil 2-sentyabr.

[2] „«После выхода альбома я не имею к нему отношения»“ (deadlink). Русский Newsweek. 2011-yil 18-avgustda asl nusxadan arxivlangan. Qaraldi: 2011-yil 2-sentyabr.

[kmru-3] „Земфира «Вендетта»/мужской взгляд“ (deadlink). KM.RU Образование. 2011-yil 18-avgustda asl nusxadan arxivlangan. Qaraldi: 2011-yil 2-sentyabr.

[timeout-4] Максим Тувим, Антон Милехин, Дмитрий Демидов. „100 песен, изменивших нашу жизнь“ (deadlink). Time Out (2011-yil 13-dekabr). 2012-yil 23-fevralda asl nusxadan arxivlangan. Qaraldi: 2011-yil 22-dekabr.

[1]