Grano padano
Grana padano (italyancha: Grana Padano, grana — „don“ soʻzidan, pishloqning donli tuzilishiga ishora qiladi va Padano, Po daryosidan keladi) — qattiq italyan pishlogʻi.
Bir oz yongʻoq taʼmiga oʻxshash shoʻrroq taʼmli. Grana padano parmezan pishlogʻini yodga soladi, lekin undan farqli oʻlaroq, nafaqat Emilia-Romagna mintaqasida, balki Italiyaning boshqa mintaqalari, xususan, Venetsiya, Trentino-Alto-Adige, Piedmont va Lombardiyada ham ishlab chiqariladi. Bu pishloq va parmesan oʻrtasidagi yana bir farq uni ishlab chiqarish uchun xom ashyoda (parmezan ishlab chiqarish uchun sigir suti ishlatiladi, ular faqat oʻt va pichan bilan oziqlanadi; Grana Padano uchun sut taʼminotida talablar unchalik qattiq emas).
1954-yilda Consorzio per la Tutela Del Formaggio Grana Padano konsortsiumi tashkil etildi. Uning maqsadi koʻplab grana padano pishloq ishlab chiqaruvchi shirkatlarni birlashtirish edi. Tashkilot asosiy vazifasi sifatida pishloq sifatini va ishlab chiqarish jarayoni ustidan texnik nazorat qilish belgilangandi. 1955-yilda konsortsium Grana Padano savdo belgisini bir qancha Yevropa mamlakatlarida roʻyxatdan oʻtkazdi.
Belgilangan meʼyorga koʻra, 1 kg pishloq ishlab chiqarish uchun 17 litr sut kerak boʻladi. Grana Padano pishloqi asta-sekin, 18 oy davomida tayyor boʻladi. Grana padano butun yil davomida ishlab chiqariladi, shuning uchun ham uning sifati qoʻyilgan vaqtiga qarab biroz farq qilishi mumkin.
Silindrsimon shaklli pishloq donasining diametri 35-45 sm, balandligi 15-18 sm. Har birining vazni 24 dan 40 kg gacha. Qobigʻi ingichka, oq yoki bir oz sargʻish tusda boʻladi.
Grana padano alohida-alohida, vermut va odatda qizil sharobga gazak sifatida tanovul qilinadi. Shuningdek, parmezan singari qirgʻichdan oʻtkazilgan holda pishloqli makaron tayyorlash uchun, salatlar va boshqa taomlarga qoʻshiladi[1].
Manbalar
[tahrir | manbasini tahrirlash]