Chuhuiv

Chuhuiv (ukraincha: Чугуїв) yoki Chuguev (ruscha: Чугуев) – Ukrainaning Xarkov viloyatidagi shahar. Shahar Chuhuiv tumanining maʼmuriy markazi hisoblanadi. Unda Ukrainaning aholi punktlaridan biri boʻlgan Chuhuiv aholi punktining maʼmuriyati joylashgan^[1].

Chuhuivning oziq-ovqat sanoatining asosiy qismini ziravorlar va mayonez ishlab chiqarish tashkil etadi. 

Shaharning aniq tashkil etilgan yili toʻgʻrisida maʼlum bir fakt mavjud emas. Negaki koʻplab tarixshunos olimlarning fikri turlicha. Baʼzi olimlarning fikriga koʻra, shahar 1547-yildan 1584-yilgacha hukmronlik qilgan Rossiyaning birinchi podshosi Ivan Grozniy buyrugʻi bilan qurilgan. 

1638-yilda Moskva podshosi Mixail Fyodorovichning buyrugʻi bilan Ukraina kazaklari Yakiv Ostryanyn tomonidan shaharga yaqin joydan harbiy qal’a qurilgan. Oʻshandan beri Chuhuiv yaqinida harbiy qism saqlanib qolgan. 1819-yilda harbiy koʻchmanchilar tomonidan Chuguev qoʻzgʻoloni boʻlib oʻtgan.

Sovet Ittifoqi hukumati davrida bu shahardagi harbiy baza muhim harbiy tayyorgarlik markaziga aylangan. Bu yerda Sovet Harbiy-havo kuchlari uchuvchilar akademiyasi va Qizil Armiya artilleriya maktabi ham joylashgan. Hozirda ham shaharcha yaqinida Ukraina harbiy-havo kuchlari bazasi joylashgan.

1. ↑ „Чугуевская городская громада“ (ru). Портал об'єднаних громад України.