Уқоби ҳорпӣ

Уқоби ҳорпӣ
Табақабандии илмӣ
рутбаҳои мобайнӣ Домен: Эукариотҳо Силсила: Ҷонварон Зерсилсила: Эуметазоён Бе ранг: Дутарафа-симметриҳо Бе ранг: Думдаҳонон Тип: Хордадорон Зертип: Сутунмуҳрадорон Инфратип: Ҷоғдорҳо Забарсинф: Чаҳорпоён Синф: Парандаҳо Зерсинф: Neognathae Қатор: Уқобсонон Оила: Уқобиён Зероила: Ҳорпиҳо Ҷинс: Ҳорпӣ (Harpia Vieillot, 1816) Намуд: Уқоби ҳорпӣ
Номи байнулмилалии илмӣ
Harpia harpyja Linnaeus, 1758
Ареал
Вазъияти ҳифз
Дар наздикии таҳдид IUCN 3.1 Near Threatened: 22695998
Сомонашиносӣ дар Викигуна Тасвирот дар Викианбор ITIS   560358 NCBI   202280 FW   137202

Уқоби ҳорпӣ (лот. Harpia harpyja) — навъе уқоб аст, ки нерӯмандтарин ва бузургтарин парандаи шикории қораи Амрико ба шумор меравад.

Номи ҳорпӣ барои ин уқоб баргирифта аз номи як махлуқи аҳриманӣ дар афсонаҳои Юнони Бостон аст, ки ниме зан ва ниме парандаи шикорӣ буд^[1]. Дар Бразилия уқобҳои ҳорпӣ бо номи «шоҳини салтанатӣ» шинохта мешаванд^[2].

Уқоби ҳорпӣ яке аз бузургтарин навъҳои уқоб аст, ки ҷинси модаи он 6 то 10 килограмм ва ҷинси нари он 5 то 8 килограмм вазн ва 95,5 сантиметр тӯл дорад.

Ин паранда гоҳе уқоби ҳорпии амрикоӣ номида мешавад то аз уқоби попуоӣ шинохта шавад, ки он ҳам гоҳе уқоби ҳорпии попуоӣ (гвинавӣ) номида мешавад. Ин ду уқоб аз назари зоҳирӣ ва навъи зиндагӣ шабоҳати зиёде ба уқоби филиппинӣ доранд.

Ин уқоби нерӯманд, ки тоҷе аз парҳои сафед бар рӯйи сар дорад, дар ҷангалҳои боронӣ ва гармсерии Амрикои Ҷанубӣ ва Марказӣ аз ҷануби Мексика гирифта то Бразилия зиндагӣ мекунад ва дар баландтарин нуқтаи муртафеътарин дарахтон ошёна мекунад ва ҷонвароне чун тӯтиҳои мокоъу, маймунҳо ва танбалҳоро туъмаи худ месозад. Нимаи болои бадани уқоби ҳорпӣ сиёҳ ва нимаи поини баданаш сафед аст ва як хатти сиёҳ рӯйи синааш дида мешавад.

Ҷамъияти ин парандаи шикорӣ ба суръат дар ҳоли коҳиш аст ва ин коҳиш ба вежа дар Мексика ва Амрикои Марказӣ чашмгиртар аст^[3]. Камтар аз 50 000 адад (бар пояи омори соли 2008)^[4] аз ин паранда дар саросари ҷаҳон боқӣ мондааст.