கத்திபாசு ஆறு

கத்திபாசு ஆறு Katibas River சரவாக்
1912-ஆம் ஆண்டில் எடுக்கப்பட்ட கத்திபாசு ஆற்றின் படம்
அமைவு
நாடு	மலேசியா
மாநிலம்	சரவாக்
பிரிவு	காப்பிட் பிரிவு
மாவட்டம்	சோங் மாவட்டம்
சிறப்புக்கூறுகள்
மூலம்	காப்புவாசு மலைத்தொடர்
⁃ அமைவு	மலேசியா;
முகத்துவாரம்
⁃ ஆள்கூறுகள்	1°38′17″N 110°29′59″E / 1.6380°N 110.4996°E / 1.6380; 110.4996
நீளம்	120 km (75 mi)

கத்திபாசு ஆறு (மலாய்: Sungai Katibas; ஆங்கிலம்: Katibas River); போர்னியோ, கிழக்கு மலேசியா, சரவாக், சோங் மாவட்டத்தில் உள்ள முக்கியமான ஆறு ஆகும். ராஜாங் ஆற்றின் மிக முக்கியமான துணை ஆறுகளில் ஒன்றாகவும் விளங்குகிறது.

தென்மேற்கு சரவாக்கில் வசிப்பவர்களுக்கு நீர் மற்றும் போக்குவரத்துக்கான முக்கிய ஆதாரமாக உள்ளது. மேல் கப்புவாஸ் மலைத்தொடரில் (Upper Kapuas Range) உற்பத்தியாகி ராஜாங் ஆற்றில் கலக்கிறது.

புரூக் வம்சாவழி ஆட்சிக்கு முந்தைய நூற்றுக் கணக்கான ஆண்டுகளில், சரவாக் மக்களின் பல்வேறு வாழ்க்கைச் செயல்பாடுகளுக்கு, கத்திபாசு ஆறு தாயகமாக விளங்கி உள்ளது.^[1]

சோங் மாவட்டம், ராஜாங் ஆற்றின் துணை ஆறான கத்திபாசு ஆற்றின்]] கரையில் அமைந்துள்ளது. சோங் மாவட்டத்தின் தலைநகரமான சோங் நகரம்; கத்திபாசு ஆற்று வழியாக ராஜாங் ஆறு வரை செல்லும் ஆற்றுப் போக்குவரத்துக்கு ஒரு முக்கியமான ஆறாகத் திகழ்கின்றது.

காயான் மக்கள் (Kayan People), இந்தக் கத்திபாசு ஆற்றின் வழியாகத்தான் சோங் மாவட்டத்தில் குடியேறினார்கள். காயான் மக்களே, சோங் பகுதியில் குடியேறிய முதல் இனக் குழுவாகும்.

அந்த நேரத்தில், காயான்கள் நாடோடி இன மக்கள். அதே நேரத்தில், இன்றைய இந்தோனேசியா கலிமந்தான் பகுதியில் இருந்து இபான் மக்கள் (Iban People) இடம்பெயர்ந்து, விவசாயம் செய்வதற்காக கத்திபாசு ஆற்றின் (Katibas River) கரைகளில் குடியேறினர்.^[2]

இந்தக் கட்டத்தில், காயான் மக்களுக்கும்; இபான் மக்களுக்கும் இடையில் மோதல்கள் ஏற்பட்டு ஒரு போராக வளர்ந்தது. அதில் இபான் மக்கள் வெற்றி பெற்றனர். தோல்வியை ஏற்றுக் கொண்ட காயான் மக்கள் பெலாகா மாவட்டத்திற்குள் (Belaga District) இடம் பெயர்ந்தனர்.

இபான் மக்கள் கத்திபாசு ஆற்றங் கரைகளிலேயே நிரந்தரமாகத் தங்கி விட்டனர். கத்திபாசு ஆற்றங் கரைகளில் அதிகமான இபான், காயான் இன மக்களைக் காணலாம்.

1870-இல், புரூக் அரசாங்கம் நங்கா சாங் (Nanga Song) நகரில் ஒரு கோட்டையைக் கட்டியது. இந்தக் கத்திபாசு கோட்டை சோங் மாவட்டத்தின் முதல் நிர்வாக மையமாகவும் செயல்பட்டது. மற்றும் கத்திபாசு ஆற்றில் இபான் மக்களின் எழுச்சிகளைத் தடுக்கும் நோக்கத்துடன் அந்தக் கோட்டை கட்டப்பட்டது.

• மலேசிய ஆறுகளின் பட்டியல்
• சரவாக் இராச்சியம்
• வெள்ளை இராஜா
• ஜேம்சு புரூக்