Abdelmadjid Tebboune

Abdelmadjid Tebboune
Abdelmadjid Tebboune
Nchi	Algeria
Kazi yake	Rais teule wa Algeria

Abdelmadjid Tebboune (kwa Kiarabu: عبد المجيد تبون; alizaliwa Mécheria, Algeria, 17 Novemba 1945) ni mwanasiasa wa Algeria aliyekuwa Waziri Mkuu wa nchi hiyo kuanzia Mei 2017 hadi Agosti 2017. Kwenye Desemba 2019 alichaguliwa kuwa rais wa nchi. Hapo awali alikuwa Waziri wa Nyumba kutoka 2001 hadi 2002 na tena kutoka 2012 hadi 2017.

Tebboune alihitimu kutoka Chuo cha Kitaifa cha Utawala mnamo 1965. ^[1]

Tebboune alikuwa Waziri-Mjumbe wa Serikali za Mitaa kuanzia 1991 hadi 1992. Baadaye, chini ya Rais Abdelaziz Bouteflika, alihudumu serikalini kama Waziri wa Mawasiliano na Utamaduni kutoka 1999 hadi 2000 na kisha kama waziri msaidizi wa Serikali ya Mitaa kuanzia 2000 hadi 2001. Alikuwa Waziri wa Nyumba na Mipango wa Miji kutoka 2001 hadi 2002. Miaka kumi baadaye, mnamo 2012, alirudi katika wadhifa wa Waziri wa Nyumba katika serikali ya Waziri Mkuu Abdelmalek Sellal . ^[2]

Kufuatia uchaguzi wa bunge wa Mei 2017, Rais Bouteflika alimteua Tebboune kuwa Waziri Mkuu tarehe 24 Mei 2017 lakini aliendelea kwa miezi mitatu pekee. Bouteflika alimfukuza kazi na kumteua Ahmed Ouyahia tarehe 15 Agosti 2017; ^[3] Ouyahia alichukua madaraka siku iliyofuata. ^[4]

Mnamo Desemba 12, 2019, kufuatia uchaguzi wa rais wa Algeria, Tebboune alichaguliwa kuwa rais, baada ya kupata asilimia 58 za kura. ^[5]