Anopheles

Anopheles
	Anopheles stephensi
Klasifikasi ilmiah
Karajaan:	Animalia
Filum:	Arthropoda
Subfilum:	Hexapoda
Kelas:	Insecta
Subkelas:	Pterygota
Infrakelas:	Neoptera
Superordo:	Endopterygota
Ordo:	Diptera
Subordo:	Nematocera
Infraordo:	Culicomorpha
Superfamili:	Culicoidea
Kulawarga:	Culicidae
Génus:	Anopheles; Meigen, 1818
Sababaraha Spésiés
	Anopheles acanthotorynus; Anopheles albimanus; Anopheles albitarsis; Anopheles amictus; Anopheles annulipalpis; Anopheles anomalophyllus; Anopheles antunesi; Anopheles apicimacula; Anopheles aquasalis; Anopheles argyritarsis; Anopheles atroparvus; Anopheles aztecus; Anopheles bambusicolus; Anopheles barberi; Anopheles beklemishevi; Anopheles bellator; Anopheles benarrochi; Anopheles boliviensis; Anopheles bonnei; Anopheles bradleyi; Anopheles braziliensis; Anopheles bustamentei; Anopheles canorii; Anopheles coustani; Anopheles crucians; Anopheles cruzii; Anopheles crypticus; Anopheles culicifacies; Anopheles darlingi; Anopheles eiseni; Anopheles earlei; Anopheles evandroi; Anopheles evansae; Anopheles farauti; Anopheles fausti; Anopheles fluminensis; Anopheles fluviatilis; Anopheles forattinii; Anopheles franciscanus; Anopheles freeborni; Anopheles funestus; Anopheles gabaldoni; Anopheles galvaoi; Anopheles gambiae; Anopheles georgianus; Anopheles gilesi; Anopheles gomezdelatorrei; Anopheles grabhamii; Anopheles guarao; Anopheles hailarensis; Anopheles halophylus; Anopheles hectoris; Anopheles homunculus; Anopheles hyrcanus; Anopheles ininii; Anopheles intermedius; Anopheles introlatus; Anopheles judithae; Anopheles kompi; Anopheles kosiensis; Anopheles lanei; Anopheles latens; Anopheles lutzii; Anopheles maculipennis; Anopheles mattogrossensis; Anopheles mediopunctatus; Anopheles melas; Anopheles merus; Anopheles minimus; Anopheles minor; Anopheles moucheti; Anopheles neivai; Anopheles neomaculipalpus; Anopheles nigritarsis; Anopheles nili; Anopheles nimbus; Anopheles noroestensis; Anopheles nuneztovari; Anopheles occidentalis; Anopheles oiketorakras; Anopheles oswaldoi; Anopheles ovengensis; Anopheles pampanae; Anopheles parapunctipennis; Anopheles parvus; Anopheles perplexens; Anopheles peryassui; Anopheles peytoni; Anopheles pictipennis; Anopheles pseudomaculipes; Anopheles pseudopunctipennis; Anopheles pseudotibiamaculatus; Anopheles punctimacula; Anopheles punctulatus; Anopheles punctipennis; Anopheles quadrimaculatus; Anopheles rachoui; Anopheles rangeli; Anopheles rennellensis; Anopheles rivulorum; Anopheles rondoni; Anopheles sanctielii; Anopheles shannoni; Anopheles squamifemur; Anopheles stephensi; Anopheles sundaicus; Anopheles thomasi; Anopheles tibiamaculatus; Anopheles triannulatus; Anopheles vargasi; Anopheles vestitipennis; Anopheles walkeri; Anopheles xelajuensis;
	Peta sebaran Anopheles

Anopheles téh hiji genus reungit (Culicidae), kabagi kana kira 400 spésiés, nu 30-40 di antarana bisa mawa parasit ti genus Plasmodium nu nyababkeun malaria. Minangka nu paling kawentar nyaéta Anopheles gambiae, reungit nu boga 'jasa' gedé dina nyebarkeun parasit Plasmodium falciparum.

Sababaraha spésiés Anopheles ogé bisa jadi véktor Dirofilaria immitis, Filariidae Wuchereria bancrofti, jeung Brugia malayi, sarta sabangsaning virus nu nyababkeun kasakit O'nyong'nyong. Reungit séjén nu jadi véktor kasakit di antarana Aedes jeung Culex.

Hambalan hirup

Sakumaha galibna reungit, reungit anopheles ngalaman opat hambalan hirup: endog, larva, pupa, jeung imago. Tilu hambalan anu mimiti hirupna dina cai salila kira 5-14 poé, gumantung kana spésiés jeung suhu lingkungan. Ieu reungit jadi véktor malaria nalika dina hambalan sawawa (nu bikang), sarta bisa hirup nepi ka sabulan (atawa leuwih mun dina kandang), tapi di alam mah teu leuwih ti 1-2 minggu.

Endog

Nu bikang bisa ngendog 50-200 unggal oviposisi nu dikacaikeun kitu baé (ngambang), megar sanggeus 2-3 poé (di nu hawana tiis bisa nepi ka 2-3 minggu). Endogna moal kuat sarta bakal paéh mun kagaringan.

Larva

Larva reungit atawa nu katelah 'jentik' boga hulu sampurna sarta boga sikat sungut pikeun dahar, toraksna gedé, abdomén anu bubukuan, sarta teu boga suku. Béda ti reungit lian, jentik Anopheles teu boga sifon réspiratorik, ku kituna awakna teu weléh sajajar (paralél) jeung beungeut cai.

Jentik ngarénghap ngaliwatan spirakel nu perenahna dina buku ka-8 abdomén, sahingga kudu mindeng ka beungeut cai. Kadaharanana mangrupa ganggang, baktéri, jeung séjén mikroorganismeu dina lapisan mikro beungeut cai. Biasana, ieu jentik ukur teuleum mun kaganggu atawa ngarasa kaancam bahya. Larvae kabagi kana opat hambalan atawa instar, ganti hambalan ganti cangkang, nu ahirna ngalaman métamorfosis jadi pupa.

Habitat jentik Anopheles bisa di mana waé, tapi lolobana mah milih cai nu beresih, tanpa polusi. Nu kungsi kapanggih di antarana waé di cai nguyumbang, boh darat atawa laut, rawa bakau, sawah, jeung walungan, nu lolobana lebah nu aya tutuwuhan. Aya ogé anu ngendog dina liang kai atawa dangdaunnan.

Pupa

Pupa reungit bentukna kawas koma. Hulu jeung dadana ngahiji jadi sefalotoraks, sedengkeun abdoménna melengkung di handapeunana. Sakumaha jentikna, pupa kudu mindeng ka beungeut cai pikeun ngarénghap maké solobong réspiratorik anu aya dina sefalotoraks. Lilana jadi pupa ukur sababaraha poé, nu salajengna megar jadi reungit sawawa.

Sawawa

Ti endog jadi reungit sawawa lilana gumantung kana spésiés jeung suhu lingkungan. Gancangna bisa lima poé, tapi di wewengkon tropis mah ilaharna 10-14 poé.

Sakumaha galibna reungit, Anopheles sawawa awakna panjang ngajelepeng nu kabagi tilu: hulu, toraks, jeung abdomén. Bentuk huluna loyog pikeun fungsi sénsor jeung dahar, diwangun ku panon jeung sapasang anténeu nu panjang bubukuan. Ieu anténeu penting pikeun 'ngambeu' bau cocoeun atawa bau tempat nu bikang neundeun endogna.

Résisténsi inséktisida

Di jero rohangan, urang biasana nyingkahan dicoco reungit ku cara maké inséktisida, boh nu cair (semprot) atawa diduruk. Tapi, lila-lila mah reungit ogé bisa weduk sakumaha serangga lianna. ku sabab unggal taunna bisa ngahasilkeun sababaraha generasi, résisténsi ieu bisa mucunghul gancang pisan. Hal ieu jadi hahalang utama dina Kampanyeu Sajagat Ngabasmi Malaria (Global Malaria Eradication Campaign).

Sumber

Original version from http://www.cdc.gov/malaria/biology/mosquito/
http://animaldiversity.ummz.umich.edu/site/accounts/classification/Anopheles.html

Rujukan

Anopheles. Wikipédia basa Inggris. Disalin 22 Juli 2008.

Tumbu kaluar

Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.