VfL Wolfsburg

VfL Wolfsburg

Pseudonimi(et)	Die Wölfe (Ujqërit)
Themeluar	12 shtator 1945; 69 vjet më parë
Stadiumi	Volkswagen Arena
Kapaciteti	30,000 vende
Pronari	Volkswagen
Trajneri	Dieter Hecking
Liga	Bundesliga
2021/22	12
Faqja zyrtare	Faqja zyrtare e klubit
Ngjyra shtëpi Ngjyra jashtë Ngjyra e tretë

Verein für Leibesübungen Wolfsburg e. V., njohur zakonisht si VfL Wolfsburg (Gjermanisht [faʊ̯ ʔɛf ʔɛl ˈvɔlfsbʊʁk] ose Wolfsburg është një klub futbollistik gjerman me seli në Wolfsburg, Saksonia e Ulët. Wolfsburg luan në Bundesligë, liga elitare e futbollit gjerman. Wolfsburg e ka fituar Bundesligën vetëm një herë në historinë e tyre, në sezonin 2008–09, dhe kanë qënë finalist të DFB-Pokal në vitin 1995. Klubi u rrit dhe u zhvillua nga puntorët e kompanisë Volkswagen në qytetin e Wolfsburg-ut. Futbolli profesionist drejtohet nga organizata VfL Wolfsburg-Fußball GmbH. VfL Wolfsburg-Fussball GmbH është një degë në pronësi të Grupit Volkswagen.^[1][2] Që nga viti 2002 stadiumi i klubit është Volkswagen Arena.

Qyteti i Wolfsburg-ut u themelua në vitin 1938 si Stadt des KdF-Wagen për të strehuar puntorët e ndërtimit të makinave që më vonë do të bëheshin të njohur si Volkswagen Beetle. Klubi i parë i futbollit u lidh me puntorët dhe njihej si BSG Volkswagenwerk Stadt des KdF-Wagen, një skuadër puntorësh. Skuadra luaji në divizionin e parë Gauliga Osthannover në sezonet 1943–44 dhe 1944–45.

Më 12 shtator 1945, si pasojë e Luftës së Dytë Botërore, një klub i ri u themelua dhe njihej thjesht si VSK Wolfsburg. Skuadra filloi të luaj me ngjyrat jeshile dhe të bardhë të cilët ende përdoren nga klubi; trajneri i të rinjëve Bernd Elberskirch kishte në dispozicion dhjetë fanella jeshile, çarçafët dhe krevatët e bardhë u dhuruan nga publiku, kurse pantallonat e shkurtra të bardha u qepën nga gratë e qytetit.

Më 15 dhjetor 1945, klubi kaloi një krrizë të rëndë që pothuajse e shuajti eksiztencën e klubit, pasi lojtarët e klubit u larguan për t'u bashkuar me 1. FC Wolfsburg. Lojtari i vetëm që kishte mbetur, Josef Meyer, punoi sëbashku me Willi Hilbert për të rindërtuar skuadrën duke firmosur me lojtarë të rinjë. Grupi i ri i ndryshoi emrin e skuadrës duke e bërë VfL Wolfsburg, me VfL që përfaqsonte Verein für Leibesübungen. Kjo gjë në shqip do të thotë "klub për gjimnastikë" ose "klub për ushtrime". Pa kaluar ende një vit ata fituan titullin e Gifhorn. Vonë në nëntor 1946, klubi luajti një ndeshje miqësore kundër superfuqisë nga Gelzenkirheni, Schalke 04, në një stadium që zotëruar nga Volkswagen.

Klubi bëri progres të ngadaltë por të qëndrueshëm në sezonet në vijim. Ata fituan një numër të kampionateve amatore, por e kishin të pamundur të ngjiteshin më lartë nëpërmjet play-off-eve deri në vitin 1954 ku ata u ngjitën në ligën elitare Oberliga Nord pas një fitoreje 2–1 kundër Heider SV. Megjithatë, Wolfsburg luftoi për të qëndruar në elitën e futbollit gjerman, duke shpëtuar nga rënja disa sezone deri sa ra në vitin 1959. Liga e pare profesioniste futbollistike e Gjermanisë Perëndimore – Bundesliga – u themelua në vitin 1963, VfL luante në atë kohë në Regionalliga Nord (II) pasi ishte lëvizur nga Verbandsliga Niedersachsen (III), duke arritur në finalen e kampionatit amator gjerman në të njëjtin vit (0–1 kundër VfB Stuttgart Amat.).

Wolfsburg qëndroi në divizionin e dytë edhe për dhjetra vite të tjera deri sa bërë një performancë fantastike duke e mbyllur vitin 1970 në vendin e dytë. Kjo gjë i siguroi klubit ndeshjet play-off për t'u ngjitur në Bundesligë për nuk ishin në gjëndje për të avancuar. Nga mesi i viteve 1970' e deri në fillimin e viteve 1990', Die Wölfe luante në kampionatin e divizionit të tretë, Amateur Oberliga Nord. Pas dy vendeve të para rresht në vitet 1991 dhe 1992, dhe pas suksesit në ndeshjet play-off, bënë që klubi të ngjitej në 2. Bundesliga për sezonin 1992–93.

VfL vazhdoi të shijonte pak sukses gjatë viteve 1990'. Skuadra avancoi në finalen e Kupës së Gjermanisë në vitin 1995 ku u mposhtën me rezultatin 0–3 nga Borussia Mönchengladbach, por pastaj vazhdoi të ngjitej në elitën e futbollit gjerman me një vend të dytë në vitin 1997.

Parashikimet e hershme thonin se klubi do të rrëzohej sërisht nga kategoria, por në vënd të kësaj, klubi e mbylli sezonin në mesin e tabelës së Bundesligës. Në sezonin 1998–99, klubi nën drejtimin e Wolfgang Wolf, mbante pozicionin e pestë në javën e 33-të, duke pasur shpresa për të arritur vendin e katërt, gjë që do i siguronte klubit pjesmarrjen në Ligën e Kampioneve. Duke humbi 6–1 jashtë fushe kundër Duisburg në javën e fundit, Ujqërit e mbyllën sezonin në vendin e pestë me 55 pikë duke u kualifikuar për në Kupën UEFA. Ata gjithashtu u kualifikuan për në Kupën Intertoto në vitet 2000, 2001, 2003, 2004, dhe 2005, duke pasur rrugëtimin më të mirë në vitin 2003 ku arritën deri në finale ku u mposhtën nga skuadra italiane Perugia. Kjo u pasua nga disa sezone me suksese të vogla për klubin duke arritur të evitojnë rënjen me dy vende të 15-ta në sezonet 2005–06 dhe 2006–07.

Për sezonin 2007–08, klubi punësoi trajnerin e Bayern Munich, Felix Magath, ku nën drejtimin e tij klubi e mbylli sezonin në vendin e pestë, pozicioni më i lartë i klubit në atë kohë. Kjo do të thoshte se Ujqërit ishin kualifikuar për në Kupën UEFA për herë të dytë në historinë e tyre.

Në sezonin 2008–09, nën drejtimin e Magath, Wolfsburg e rriti suksesin e saj duke fituar titullin e parë të Bundesligës në historinë e tyre pasi mposhtën Werder Bremen-in me rezultatin 5–1 më 23 Maj 2009. Gjatë këtij sezoni, Wolfsburg barazoi rekordin e dhjetë fitoresh rresht në Bundesligë. Ata gjithashtu u bënë klubi i vetëm i Bundesligës që kishin dy sulmues me më shumë se 20 gola në një sezon të vetëm, me brazilian Grafite dhe boshnjakun Edin Džeko që kishin meritën më të madhe në fitimin e titullit, duke shënuar respektivisht 28 dhe 26 gola. Si rezultat i fitimit të titullit, Wolfsburg u kualifikua për në Ligën e Kampioneve për herë të parë në historinë e saj.

Në sezonin 2009–10, Wolfsburg shkarkoi në dimër trajnerin e ri Armin Veh për shkak të suksesit të dobët, me klubin që renditej në vendin e dhjetë në ligë. Në Ligën e Kampioneve ata e përfunduan grupin të tretët, mbrapa Manchester United dhe CSKA Moskën, duke humbur një mundësi pë të kaluar në raundet me eleminim direkt. Si rezultat, ata u kualifikuan për në raundin e 32-tave të Ligës së Europës. Ata mposhtën skuadrën spanjolle Villarreal CF me rezultatin e përgjithshëm 6–3, dhe kampionët rus Rubin Kazan 3–2. Megjithatë, në çerek–finale, ata u mposhtën me rezultatin e përgjithshëm 3–1 nga finalistët e Fulham.

Më 11 maj 2010, pozicioni i trajnerit të përkohshëm u mor nga ish trajneri i Anglisë Steve McClaren. Pasi kishte udhëhequr Twenten në fitimin e titullit të parë në histori të Eredivizies, ai u shpërblye duke u bërë trajneri i parë anglez në historinë e klubit duke i dhënë mundësi për herë të parë në karrierën e tij që të drejtonte një klub të Bundesligës. Më 7 Shkurt 2011, u raportua se McClaren ishte shkuarkuar dhe se vendin e tij e kishte marrë gjermani Pierre Littbarski.^[3] Megjithatë, Wolfsburg-u humbi katër herë në pesë ndeshje nën drejtimin e tij duke bërë që klubi të rrezikonte rënjen nga kategoria.

Më 18 mars 2011, Wolfsburg konfirmoi se Felix Magath do të rikthehej si trajneri dhe drejtori sportiv i klubit pas dy vitesh mungesë ku ai drejtoi klubin në titullin e parë në historinë e tyre. Ai u rikthye vetëm dy ditë pasi ishte shkarkuar nga Schalke 04. Ai firmosi një kontratë dy vjeçare me klubin.^[4] Magath i krijoi klubit siguri, por edhe pse klubi kishte investuar shumë, ai arriti vetëm një vend të tetë. Pas vetëm pesë pikëve në tetë ndeshjet e para (asnjë pikë dhe asnjë gol në katër ndeshjet e fundit) të sezonit 2012–13, Magath u largua nga klubi më 25 tetor 2012 pas zgjedhjes së kontratës.

Wolfsburg luan në Volkswagen Arena, një stadium shumë-përdorimësh me kapacitet 30,000 spektatorësh. Përpara se konstruksioni të përfundonte në vitin 2002, klubi i luante ndeshjet si vendas në stadiumin VfL-Stadium me kapacitet 20,500 spektatorësh, një stadium i cili ende përdoret. Stadiumi aktalisht përdoret për zhvillimin e ndeshjeve si vendas për Wolfsburg-un, dhe ishte i njëjti stadium ku klubi fitoi titullin e parë të Bundesligës në historinë e tyre në sezonin 2008–09.

Redaktuar më 12 korrik 2019^[5]

Nr. Kombësia Poz. Lojtari 1 Pt Koen Casteels (vice-captain) 2 Mb William 4 Mf Ignacio Camacho 5 Mb Jeffrey Bruma 6 Mb Paulo Otávio 7 Sm Josip Brekalo 8 Mf Renato Steffen 9 Sm Wout Weghorst 10 Mf Yunus Mallı 11 Mf Felix Klaus 12 Pt Pavao Pervan 13 Mf Yannick Gerhardt 14 Sm Admir Mehmedi 15 Mb Jérôme Roussillon 17 Mb Felix Uduokhai

Nr. Kombësia Poz. Lojtari 19 Mb Kevin Mbabu 21 Stampa:Country data CMR Mf Paul-Georges Ntep 23 Mf Josuha Guilavogui (captain) 24 Mf Xaver Schlager 25 Mb John Brooks 27 Mf Maximilian Arnold (3rd captain) 29 Mf John Yeboah 31 Mb Robin Knoche 32 Mb Marcel Tisserand 33 Sm Daniel Ginczek 36 Pt Phillip Menzel 37 Mf Elvis Rexhbeçaj 38 Mf Ismail Azzaoui 40 Sm João Victor

Nr. Kombësia Poz. Lojtari Pt Koen Casteels (tek Werder Bremen deri në fund të sezonit 2014–15)

Redaktuar më 27 Shkurt 2015 ^[6]

Nr. Kombësia Poz. Lojtari 21 Pt Matthias Hamrol 22 Pt Carl Klaus 31 Pt Niklas Klinger 2 Mb Marvin Kleihs 3 Mb Noah Korczowski 4 Mb Julian Klamt 13 Mb Maximilian Rossmann 18 Mb Jonas Sonnenberg 24 Mb Hendrik Hansen 25 Mb Bjarne Thoelke 28 Mb Tobias Henneböle 30 Mb Sasa Strujic 7 Mf Robert Hermann 8 Mf Bastian Schulz

Nr. Kombësia Poz. Lojtari 9 Mf Dino Medjedovic 10 Mf Amin Affane 11 Mf Onel Hernandez 14 Mf Pascal Borowski 15 Mf Rico Schlimpert 16 Mf Dennis Strompen 17 Mf Dragan Erkic 26 Mf Theodoros Ganitis 27 Mf David Chamorro 29 Mf Ioannis Masmanidis 12 Sm Albion Avdijaj 19 Sm Oskar Zawada 20 Sm Sebastian Stolze

Trajner: Thomas Brdarić

Klubi fitoi tripletën në sezonin 2012–13 duke arkivuar ligë gjermane, kupën dhe Ligën e Kampioneve. Ata mbrojtën titullin e tyre të Ligës së Kampioneve në vitin 2014.

Redaktuar më 20 Shkurt 2018^[7]

Pozicioni	Emri
Trajneri	Bruno Labbadia
Ndihmës trajneri	Stefan Sartori
Trajneri i portierëve	Andreas Hilfiker
Trajneri i portierëve	Pascal Formann
Trajneri i palestrës	Stephan Kerth

Redaktuar më 26 gusht 2017^[8]

Renditja	Ekipi	Koefiçenti
31	Valencia	53.871
32	Anderlecht	53.400
33	VfL Wolfsburg	52.685
34	Beşiktaş	48.100
35	Liverpool	44.449
36	PSV	41.709
37	Borussia Mönchengladbach	41.685

• Bundesliga:
  • Fitues (1): 2008–09
• 2. Bundesliga:
  • Finalist (1): 1996–97
• DFB-Pokal:
  • Finalist (1): 1994–95
• DFL-Supercup:
  • Finalist (1): 2009 (jozyrtare)

• Deutsche Amateurmeisterschaft:
  • Finalist (1): 1963
• Amateuroberliga Niedersachsen-Ost (II):
  • Fitues (3): 1952, 1954, 1963
• Regionalliga Nord (II):
  • Finalist (1): 1970
• Oberliga Nord (III):
  • Fitues (2): 1991, 1992
  • Finalist (3): 1976, 1978, 1988

• Kampionati gjerman U–19
  • Fitues (2): 2010–11, 2012–13
  • Finalist (1): 2007–08
• Bundesliga U–19 Veri/Verilindje
  • Fitues (4): 2007–2008, 2010–11, 2011–12, 2012–13
• Bundesliga U–17 Veri/Verilindje
  • Fitues (1): 2009

1. ^ "Volkswagen Group Annual Report 2009". AnnualReport2009 (në anglisht). 23 maj 2009. Arkivuar nga origjinali më 31 mars 2018. Marrë më 17 gusht 2010.
2. ^ "VfL Wolfsburg Club History" (në anglisht). VfL Wolfsburg. Arkivuar nga origjinali më 27 shtator 2011. Marrë më 6 mars 2015.
3. ^ "Bundesliga – Wolfsburg sack McClaren" (në anglisht). Eurosport. 7 shkurt 2011. Marrë më 8 shkurt 2011.
4. ^ "Magath back with the Wolves" (në anglisht). Bundesliga. 18 mars 2011. Arkivuar nga origjinali më 2 gusht 2012. Marrë më 19 mars 2011.
5. ^ "Kader" [Skuadra] (në gjermanisht). VfL Wolfsburg. Marrë më 8 gusht 2017.
6. ^ "VfL Wolfsburg II Kader". Arkivuar nga origjinali më 15 tetor 2014. Marrë më 6 mars 2015. {{cite web}}: Mungon ose është bosh parametri |language= (Ndihmë!)
7. ^ "Coaching staff" [Stafi drejtues] (në anglisht). VfL Wolfsburg. Arkivuar nga origjinali më 28 nëntor 2014. Marrë më 27 shkurt 2015.
8. ^ "UEFA Team Ranking 2017" [UEFA Renditja e Ekipeve 2017]. kassiesa.home.xs4all.nl (në anglisht). Meppel: Bert Kassies. 3 nëntor 2016. Arkivuar nga origjinali më 22 shkurt 2017. Marrë më 10 nëntor 2016.

Wikimedia Commons has media related to VfL Wolfsburg.

• Uebfaqja zyrtare