Jump to content

Granit Xhaka

Nga Wikipedia, enciklopedia e lirë
Granit Xhaka

Xhaka me Arsenalin në vitin 2018
Të dhënat vetjake
Emri i plotëGranit Xhaka
Datëlindja (1992-09-27) 27 shtator 1992 (32 vjeç)
VendlindjaBasel, Zvicër
Gjatësia1.86 m (6 ft 1 in)[1]
PozicioniMesfushor
Të dhënat e klubit
Klubi aktual
Bayer Leverkusen
Numri34
Karriera me të rinjtë
2000–2002Concordia Basel
2002–2010Basel
Karriera me klube*
VitetKlubiNdeshje(Golat)
2006–2010FC Basel U2137(11)
2010–2012Basel44(2)
2012–2016Borussia Mönchengladbach108(6)
2016–2023Arsenal225(17)
2023–Bayer Leverkusen29(2)
Karriera ndërkombëtare‡
2008–2009Zvicra U1714(0)
2009–2010Zvicra U1814(3)
2010–2011Zvicra U1910(3)
2010–2011Zvicra U215(0)
2011–Zvicra123(14)
*Ndeshjet dhe golat me klubet llogariten vetëm për ligën vendase – redaktuar më 14 prill 2024
‡ Ndeshjet dhe golat me ekipin kombëtar të redaktuar më 27 mars 2024

Granit Xhaka ([ɡɾaˈnit ˈdʒaka]; lindur më 27 shtator 1992) është një futbollist profesionist zviceran i cili luan si mesfushor për klubin gjerman Bayer Leverkusen dhe kombëtaren zvicerane.

Xhaka e nisi karrierën si futbollist me klubin e qytetit të lindjes Basel, duke fituar Super Ligën Zvicerane në dy sezone. Në vitin 2012, ai u transferua në Gjermani te Borussia Mönchengladbach, klub me të cilin fitoi reputacionin e të qënit një lider por u kritikua edhe për temperamentin. Ai u bë kapiten në vitin 2015 dhe udhëhoqi ekipin në fazën e grupeve të UEFA Ligës së Kampioneve në dy sezone rresht.

Në vitin 2016, Xhaka firmosi me Arsenalin në Premier Ligë për 30 milion £, me të cilin fitoi dy herë Kupën FA si dhe shërbeu si kapiten për një kohë të shkurtër. Pas shtatë viteve në Angli, ai u rikthye në Gjermani te Bayer Leverkusen në vitin 2023, duke fituar klubin të fitonte kampionatin e parë në histori në sezonin e tij të parë.

Në nivelin ndërkombëtar, Xhaka ishte pjesë e ekipit nën-17 që fitoi Kupën e Botës në vitin 2009. Dy vite më pas, ai debutoi me ekipin e parë dhe është aktualisht lojtari me më shumë ndeshje në historinë e ekipit kombëtar, me 123. Ai ka përfaqësuar Zvicrën në tre edicione të FIFA Kupës së Botës (2014, 2018 dhe 2022) dhe tre edicione të UEFA Kampionatit Evropian (2016, 2020 dhe 2024).

Jeta e hershme

[Redakto | Redakto nëpërmjet kodit]

Xhaka ka lindur në Basel,Zvicër por prindërit janë shqiptarë nga Kosova.Ai është vëllai më i vogël i Taulant Xhaka, i cili është gjithashtu një futbollist profesionist dhe luan për FC Basel dhe ekipin kombëtar shqiptar. Familja e tyre u zhvendos nga KosovaPodujevë në Zvicër pak para se fëmijët e tyre të lindnin. Që nga viti 2017, Xhaka është martuar me Leonita Lekajn.

Karriera me klube

[Redakto | Redakto nëpërmjet kodit]

Vitet e para

[Redakto | Redakto nëpërmjet kodit]

Dy vëllezërit Xhaka e filluan karrierën e tyre futbollistike me Concordia Basel. Ne 2002 ai u transferua tek Basel ku luajti me skuadrën e të rinjve deri ne 2008. Me pas ai kaloi tek Basel U 21 ku luajti deri ne vitin 2010, për tu transferuar tek skuadra e parë e Basel

Basel

[Redakto | Redakto nëpërmjet kodit]

Kur Granit Xhaka fillimisht u transferua tek Basel trajneri i asaj kohe Thorsten Fink u shpreh se ai ishte talenti më i madh që kishte pasur ndonjëherë me Basel edhe më i mire se "Xherdan Shaqiri" Ai bëri paraqitjen e parë me skuadrën e Basel ne raundin e tretë të 2010–11 UEFA Champions League kundër skuadrës Debreceni VSC ne Szusza Ferenc Stadium duke shënuar dhe golin e dyte për skuadrën e tij ne përfundim te ndeshjes. Ai shënoi golin e parë në kampionat në fitoren 5-1 kundër FC Thun ne 15 maj 2011. Ne përfundim Xhaka me Basel fitoi titullin kampion Super League Championship madje fitoi dhe kupën Swiss Cup.

Borussia Mönchengladbach

[Redakto | Redakto nëpërmjet kodit]

Më 18 maj 2012, Xhaka u transferua ne Gjermani tek klubi i tij me i ri Borussia Mönchengladbach për një shifër prej € 8,5 milion.

Arsenal

[Redakto | Redakto nëpërmjet kodit]

Më 25 maj 2016, Arsenali siguroi shërbimet e Xhakës nga Borussia Mönchengladbach për një shifër rreth 30–35 milion £.[2] Xhaka u ble nga Arsenali pasi klubi londez sipas raportimeve hoqi dorë nga transferimi i francezit N'Golo Kanté pasi bonusi i agjentëve të lojtarit ishte 10 milion £.[3] Xhaka debutoi me Arsenalin si zëvëndësues në fitoren 2–1 në ndeshjen miqësore kundër MLS All-Stars.[4]

Xhaka bëri debutimin e tij zyrtar në humbjen 4–3 kundër Liverpoolit në ndeshjen hapëse të Premier Ligës 2016–17, duke u aktivizuar si zëvëndësues në minutën e 65të në vend të Mohamed Elneny.[5] Goli i tij i parë me klubin, një gjuajte nga 25 metra distancë, erdhi më 17 shtator në suksesin 4–1 kundër Hull Cityt.[6]

Bayer Leverkusen

[Redakto | Redakto nëpërmjet kodit]

Më 6 korrik 2023, Xhaka u transferua te Bayer Leverkusen për 25 milion €, duke firmosur një kontratë pesë-vjeçare.[7] Ai debutoi më 12 gusht duke luajtur 90 minuta të plota në fitoren rekord 8–0 kundër Teutonia Ottensen në kupë.[8] Më 23 shkurt 2024, ai shënoi golin e parë me ekipin në suksesin 2–1 kundër Mainz 05 në kampionat.[9]

Më 14 prill, Xhaka shënoi një nga golat e fitores 5–0 kundër Werder Bremenit që i siguroi Leverkusenit titullin e parë të Bundesligës në histori.[10] Më 25 maj, ai shënoi golin e vetëm të fitores 1–0 kundër Kaiserslauternit në finalen e kupës, duke i dhuruar klubin trofeun e parë në histori; Leverkuseni fitoi dopietën (kampionat dhe kupë) pa pësuar asnjë humbje.[11]

Karriera ndërkombëtare

[Redakto | Redakto nëpërmjet kodit]

Karriera e tij me një skuadër internacionale filloi ne 2008 kur ai u bë pjesë e Zvicër U 17.

Përpara se te luante me Zvicrën Xhaka ka berë një kërkesë për të luajtur me Shqipërinë. Por si përgjigje ka gjetur injorimin e kerkesës së FSHF. Internacionalia e parë që ai ka luajtur ishte në Wembley Stadium kundër Anglisë, Angli 2-2 Zvicer, me 4 qershor 2012.

Golat me Kombëtaren

[Redakto | Redakto nëpërmjet kodit]

Rezultatet dhe Golat me kombëtaren Zvicerane

# Data Vendi Kundërshtari Goli Rezultati Kompedicioni
1 15 nëntor 2011 Stade Josy Barthel, Luxembourg City, Luksemburg Flamuri Luksemburgu 1–0 1–0 Ndeshje Miqësore
2 15 gusht 2012 Stadion Maksimir, Zagreb, Kroaci Flamuri Kroacia 1–0 4–2 Ndeshje Miqësore
3 7 shtator 2012 Stadion Stožice, Ljubljana, Slloveni Flamuri Sllovenia 1–0 2–0 Botërori 2014 – Kualifikueset
4 15 tetor 2013 Stade de Suisse, Bern, Zvicër Flamuri Sllovenia 1–0 1–0 Botërori 2014 – Kualifikueset

Trofe

[Redakto | Redakto nëpërmjet kodit]
Basel
Arsenal
Bayer Leverkusen

Referime

[Redakto | Redakto nëpërmjet kodit]
  1. ^ "Granit Xhaka" (në anglisht). Arsenal F.C. Marrë më 13 janar 2022.
  2. ^ "Arsenal will pay around £30m for Granit Xhaka, Sky Sports News HQ understands". Sky Sports (në anglisht). 22 maj 2016. Marrë më 25 maj 2016.
  3. ^ James McNicholas (17 prill 2020). "Vardy, Mata, Tevez and more: The inside stories of Arsenal's failed signings". The Athletic (në anglisht). Arkivuar nga origjinali më 26 prill 2021.
  4. ^ "MLS All-Stars 1–2 Arsenal – Report" (në anglisht). Arsenal F.C. 29 korrik 2016. Marrë më 30 korrik 2016.
  5. ^ "FT: Arsenal 3–4 Liverpool" (në anglisht). BBC Sport. 10 gusht 2016. Marrë më 24 shtator 2016.
  6. ^ "Hull City 1–4 Arsenal" (në anglisht). BBC Sport. 17 shtator 2016. Marrë më 17 shtator 2016.
  7. ^ "Granit Xhaka: Bayer Leverkusen sign Swiss midfielder from Arsenal for £21.4m" (në anglisht). BBC Sport. 6 korrik 2023. Marrë më 1 tetor 2023.
  8. ^ "Teutonia 05 Ottensen 0–8 Bayer 04 Leverkusen" (në gjermanisht). Federata Gjermane e Futbollit. 12 gusht 2023.
  9. ^ "Bayer Leverkusen 2–1 Mainz" (në anglisht). BBC Sport. 23 shkurt 2024. Marrë më 23 shkurt 2024.
  10. ^ "Bayer Leverkusen win first Bundesliga title, ending Bayern Munich's reign". Al Jazeera (në anglisht). 14 prill 2024. Marrë më 16 prill 2024.
  11. ^ "Kaiserslautern 0–1 Bayer Leverkusen" (në anglisht). BBC Sport. 25 maj 2024. Marrë më 25 maj 2024.
Marrë nga "https://sq.wikipedia.org/w/index.php?title=Granit_Xhaka&oldid=2707210"