Acqualoru
L'acqualoru (o l'acquajolu o acquarolu) è na pirsuna chi vinni l'acqua frisca, spissu di nu bùmmulu, jennu pi strata câ sò abbanniata distinta. Oi stu misteri nun s'attrova chiui. Spissu l'aqualoru cci desi lu sapuri usannu nu sciroppu comu lu zammù.
Ntâ littiratura siciliana
[cancia | cancia lu còdici]Di Acquajola di Ninu Martogliu:
- Tanuzza l'acquajola è na carusa,
- ma na carusa, va, pi la patana!
- Abbasta a diri ca na cità sana
- nni sta niscennu pazza furiusa!
- Già tu non sai ch'è duci la gazzusa
- ntra lu biccheri ca ti sguazza Tana!...
- È la stissa acqua di la Reitana
- nn'idda è cchiù frisca ed è cchiù sapurusa.