Istadu Islamicu

Su Istadu Islamicu de Iraq e Levante (in arabu الدولة الإسلامية في العراق والشام), fintzas connottu cun s'acronimu ISIL (chi istat pro s'inglesu Islamic State in Iraq and the Levant) o ISIS, est una costa militante islamista de Al-Qaida chi nch'at serradu sos rapportos cun su grupu dae ue est naschida pro fundare unu "califfadu", Istadu Islamicu, chi cumprendet tottus sas populassiones arabas chi sa Frantza e s'Inghilterra aìan mantesu separadas a pustis de sa prima gherra mundiale. Su grustu jihadista est cun sas armas in manu peri tottu su Levante arabu (Libanu, Siria, Iraq e Giordania) e in su 2014, sicunda a sos titulos de imprenta otzidentales, cumandat de facto in tottu su nord-est de sa Siria e su nord-ovest de s'Iraq; in lampadas sun intrados a Mossul, sa secunda tzittade irachena. Fachet masellu de tottus sas minorias religiosas chi li capiten a tiru, de manera ispetziale yazidas e cristianos.