Константин Паустовскый

Константин Паустовскый
Константин Паустовскый
	Paustovsky.jpg
Уроджѣня	мая 31., 1892; Москва, Россия
Умертя	юла 14., 1968 (76 р.); Москва, СССР;
Погреб	Таруса;
Занятя	писатель, новинарь
Язык творох	російскый
Горожанство	Російска імперія, СССР
Праца	Літературний інститут імені Горького
Час творбы	1910–1968
Жанры	роман, повість, повіданя, п'єса, приповідка, нарис
Тренд	романтизм
Вызначны роботы	Повѣсть о животѣ (1945–1963)
Константин Паустовскый на Викискладѣ
	VIAF:15507; GND:118592262; LCCN:n79076435; FAST:38913; BNF:11918543n; NLKR/NLC:jn19990210482; OL:OL324606A, OL5691674A; ; ; Ту можуть быти податкы з Wikidata,; не контролованы авторами статѣ

Константин Паустовскый, русс. Константи́н Гео́ргиевич Паусто́вский; *31. май (19. май Юл. кал.) 1892, Москва, Россия – †14. юл 1968, Москва, СССР — русскый совѣтскый писатель и новинарь,^[1] найлѣпше познатый своима повѣданями, котры принесли дореволучны традиции русского романтизму до литературы совѣтской добы.^[2]

Биография

Мав предкы меджи украинскыма козаками. Учив ся в Киевѣ, Санкт-Петербургу и Одессѣ. Перед тым, як зачав писати, робив на многых и вшелиякых роботах, ай ку тому вельо путовав, як по Совѣтской Унии, так и в заграничу.^[2]

В рокы Первой свѣтовой войны — санитар на санитарных потягах, пак выпробовав вельо професий на фабриках, в рыболовской артели идр. В домовой войнѣ 1917–1922 — новинарь в Киевѣ, Одессѣ, на Кавказѣ.^[1]

Первов публикациев было повѣданя На водѣ (1912), котре гимназист Паустовскый подав в алманах Огнѣ (Киев), и на его зачудованя было опубликоване.^[3]

В роках 1945–1956 преподавав в Литературном инштитутѣ А. М. Горького. В добѣ «помягку» активно ся ангажовав за регабилитацию репресованых писательох и заступав ся за политично гоненых особ; быв в числѣ ушорительох литературного либералного алманаха Тарусскы сторонкы (1961), котрый влада по публикации заказала.^[1]

„

Паустовскый нигда не быв членом партии, ни даякым посланцьом, ани урядником в Сполку писательох СССР. В добѣ култа особы Сталина не написав ани еден шорик на хвалу великого вождя... не подписав ани едну колективну вызву против даякого гоненого. Але, як судили писательох Синявского и Даниела, котры опубликовали свои творы на Западѣ, Паустовскый въедно з К. Чуковскым отворено ся за них заступив и дав суду свои доводы на хосен обвиненых.

”

Оригиналный текст русс.

Он никогда не был ни членом партии, ни депутатом различных советов, ни даже членом правления Союза писателей СССР. В период культа личности Сталина Паустовский ни единой строчки не написал о «великом друге и вожде»... не подписал ни одного письма или обращения, где бы кого-то клеймили. Но зато, когда судили писателей Андрея Синявского и Юлия Даниэля, опубликовавших свои произведения на Западе, Паустовский вместе с Корнеем Чуковским открыто выступил в их поддержку и предоставил суду свой отзыв в защиту обвиняемых.

Аркадий Белкин: Паустовский. Останься прост, беседуя с царями^[4]

В року 1963 в социологичной анкетѣ о найпопуларнѣйшом писателю Паустовскый быв первый, а за ним далеко заостав протекчный «партийный писатель» Михаил Шолохов. Не было в моци партии з тым нич зробити, а за то ся му помстили. В року 1965 коли уже быв вызначеный як лавреат Нобела, дипломатичныма интригами влада СССР домогла ся, жебы Нобеловскый комитет змѣнив свое рѣшѣня и дав награду Шолохову.^[3]^[4]

Творба

В первых творах писателя мрѣи о далекых сторонах, путованях, встрѣчах и розлуках занимають головне мѣсто. З роками его проза значно ся мѣняеть, але писатель нигда ся не зрѣкать того общого ей колорита, через котрый называють тоту прозу романтичной.^[5]

Писав романы, повѣсти, повѣданя, историчны и биографичны творы. Повѣсти Кара-Бугаз (1932) и Колхида (1934) принесли му широку знамость. В его творбѣ читатель находить лиричный погляд на природу и силный интерес ку людьом; его называють едным из найлѣпшых майстрох слова меджи писателями 1920-х и 1930-х рокох. Его главна робота Повѣсть о животѣ (1946–1963; подтитулок История едного живота) складена зоз шѣстьох книг, являть из себе циклус автобиографичных споминок.^[2]

В историчных и биографичных повѣстях Паустовскый не кладе собѣ задачу точной реконштрукции историчных фактох, главнѣ ся усилуе притягти читателя емоционално, знае заразити го чутьом родинства з минулостьов свойой земли, дояти го мужностьов и жертвеностьов геройох. Все веце пише о творчости, о людях умѣлства — малярях, музикантах, писателях: Орест Кипренский (1937), Исаак Левитан (1937), Тарас Шевченко (1939), Повѣсть о лѣсах (1949), Золота ружа (1956) — повѣсть о литературѣ, о «прекрасной сущности писательского труда», о цѣнности точно найденого слова.^[5] За тоту послѣдну од Польской Академии Наук заслужив награду ай быв номинованый на Нобла.^[4]

Автобиографична епопея Повѣсть о животѣ — доимаючый литературный документ живота России в зачатку XX. стороча. Книгы Паустовского перекладены многыма языками.^[5]

На честь Паустовского названа планетка (5269) Paustovskij (1978 SL6).

Жерела и одказы

Konstantin Georgiyevich Paustovsky. Encyclopedia Britannica date= 10 Jul. 2021. https://www.britannica.com/biography/Konstantin-Georgiyevich-Paustovsky. [перевірено 2022-05-26]. англ.
Аркадий Белкин (2010). Паустовский. Останься прост, беседуя с царями. Портал Проза.ру. https://proza.ru/2010/06/03/1137. [перевірено 2022-05-28]. русс.
Осовский О. Е.. ПАУСТОВСКИЙ. // Большая российская энциклопедия. Москва, 2014. Том 25, стр. 472–473. https://bigenc.ru/literature/text/2324793. [перевірено 2022-05-26]. русс.
Чудакова М. О.. Паустовский. //Краткая литературная энциклопедия / Гл. ред. А. А. Сурков. Москва: Советская энциклопедия, 1962—1978. Т. 5 Стб. 629–630. http://feb-web.ru/feb/kle/kle-abc/ke5/ke5-6291.htm. русс.
Олег Шилин (27 декабря 2012). Наш Паустовский. // Киевский вестник №142(7090). С. 2. русс.

Референции

↑ ^1,0 ^1,1 ^1,2 Осовский О. Е.
↑ ^2,0 ^2,1 ^2,2 Encyclopedia Britannica
↑ ^3,0 ^3,1 Олег Шилин
↑ ^4,0 ^4,1 ^4,2 Аркадий Белкин
↑ ^5,0 ^5,1 ^5,2 Чудакова М. О.

[BRE-1] 1,0 ^1,1 ^1,2 Осовский О. Е.

[EB-2] 2,0 ^2,1 ^2,2 Encyclopedia Britannica

[Silin-3] 3,0 ^3,1 Олег Шилин

[Belkin-4] 4,0 ^4,1 ^4,2 Аркадий Белкин

[Cudakova-5] 5,0 ^5,1 ^5,2 Чудакова М. О.

[1]