Waisseburich

Waisseburich
	Grand Est
	Dadai:Place de la Republique avec l,Hôtel de la ville et le Restaurant du Cygne, Wissembourg (Alsace, France).jpg, 00 6012 Wissembourg - Place de la République.jpg
Verwaltung
Land	Frankraich
Region	Grand Est
Département	Bas-Rhin (67)
Arrondissement	Haguenau-Wissembourg
Kanton	Waisseburch
Kommunalverband	Pays de Wissembourg
Amtlicha Name	Wissembourg
Maire	Christian Gliech (2014-2020)
Code Insee	67544
Boschtlaitzahl	67160
Aiwohner
Aiwohner	7.516
Flech	48,18 km2
Bevelkerungsdicht	165,59 Iiw./km2
Lach
Koordinate	49° 02′ 15″ N, 7° 56′ 46″ E / 49.0375°N,7.9461111111111°EKoordinate: 49° 02′ 15″ N, 7° 56′ 46″ E / 49.0375°N,7.9461111111111°E
Hech	160 m
	Waisseburich Waisseburich (Frankraich)
Website
	https://www.ville-wissembourg.eu

Waisseburich (frz. Wissembourg [visɑ̃ˈbuʀ], dt Weißenburg, elsässisch-alemannisch Wisseburi ['visəbųri]) is ä Schdadt im Elsaß, Frongraisch, in de Region Grand Est (bis 2015 Region Elsass). Waisseburich is da Sitz vun da Unnerpräfekdur Waisseburich un vum glaischnõmische Kanton.

Geografie

Waisseburich liegd am Fluss Lauda, der die daitsch-fronzesisch Grenz bild. Bai Waisseburich gehd die Owwerrhainisch Diefewene in de Pälzer Wald iwwer. Schdadtdail sinn Aldeschdadt, Gaisberch, Gaidershof, Wailer unn Welschdorf.

Gschischd

Im 7. Johrhunnerd is Waisseburich aus ener Kloschderõõsiedlung entschdanne. Vun 1306 bis 1697 iss fraïï Raischsschdadt gwessd. 1522 is die Reformadsion oigefihrd worre. Nochm Weschdfälische Friede is Waisseburich midd große Daile vum Elsaß en Dääl vun Frongraisch worre. Am 4. April 1870 henn do praißische Drubbe die Fronzose geschlaache. Vun 1871-1918 hot Waisseburich wies gonze Elsaß-Lothringe zu Daitschlond kehrd, nochm erschde Weltkriech isses widda zu Frongraisch kumme. Zwische 1940-45 hot es widda zum Daitsche Raisch kehrd, bises 1945 widda zu Frongraisch kumme isch.

Wärdschafd

Die Arwaidslosichkaid hot im Johr 2005 6,8% betraache.

Kuldur unn Sehenswirdischkaide

Waisseburich is eeni vun de arschideggdonisch indressandesde Schdädt im Nordelsaß. Die Aldschdadt werd hait noch vun Reschd vun de alde Schdadtmaure umschlosse. Die Abdai St.Peter unn Paul (frz. Saint-Pierre-et-Paul) iss eeni vun de greeschde Kärsche im Departement Bas-Rhin. Des godische Gebaide hot en romanische Gloggedurm ausm 11. Johrhunnerd, im innere sinn Glasfenschda ausm 14./15. Johrhunnerd. Die prodesdandischä Konzkärsch is en schlischdes godisches Gebaide ausm 15. Johrhunnerd.

Waidere Sehenswirdischkaide sinn des Salzhaus ausm 15. Johrhunnerd, des Maison de l'ami Fritz (um 1550) unn des klassizisdische Radhaus, welles zwische 1741 unn 1752 erbaud worre is.