ਅੰਡੇਮਾਨੀ ਭਾਸ਼ਾਵਾਂ
ਅੰਡੇਮਾਨੀ ਭਾਸ਼ਾਵਾਂ ਹਿੰਦ ਮਹਾਸਾਗਰ ਵਿੱਚ ਅੰਡੇਮਾਨ ਟਾਪੂ ਦੇ ਆਦਿਵਾਸੀ ਅੰਡੇਮਾਨੀ ਲੋਕਾਂ ਦੁਆਰਾ ਬੋਲੀਆਂ ਜਾਣ ਵਾਲੀਆਂ ਭਾਸ਼ਾਵਾਂ ਹਨ। ਇਸ ਵਿੱਚ ਦੋ ਜਾਣੇ-ਪਛਾਣੇ ਭਾਸ਼ਾ ਪਰਿਵਾਰ, ਗ੍ਰੇਟ ਅੰਡੇਮਾਨੀਜ਼ ਅਤੇ ਓਂਗਾਨ, ਤੇ ਨਾਲ ਹੀ ਦੋ ਅਨੁਮਾਨਿਤ ਪਰ ਅਣ-ਪ੍ਰਮਾਣਿਤ ਭਾਸ਼ਾਵਾਂ, ਸੈਂਟੀਨੇਲੀਜ਼ ਅਤੇ ਜੰਗਿਲ ਸ਼ਾਮਿਲ ਹਨ।
ਹਾਲਾਂਕਿ ਅੰਡੇਮਾਨ ਟਾਪੂ ਦੀਆਂ ਸਾਰੀਆਂ ਭਾਸ਼ਾਵਾਂ ਨੂੰ ਇੱਕ ਸਮੇਂ ਇੱਕੋ ਭਾਸ਼ਾ ਪਰਿਵਾਰ ਮੰਨਿਆ ਜਾਂਦਾ ਸੀ, ਪਰ ਹੁਣ ਇਹ ਵਿਆਪਕ ਤੌਰ 'ਤੇ ਸਵੀਕਾਰ ਕੀਤਾ ਜਾਂਦਾ ਹੈ ਕਿ ਮਹਾਨ ਅੰਡੇਮਾਨੀ ਅਤੇ ਓਂਗਾਨ ਦਾ ਕੋਈ ਵੰਸ਼ਾਵਲੀ ਸਬੰਧ ਨਹੀਂ ਹੈ। ਇਸ ਤਰ੍ਹਾਂ, ਸ਼ਬਦ "ਅੰਡੇਮਾਨੀ ਭਾਸ਼ਾਵਾਂ" ਇੱਕ ਸਖਤੀ ਨਾਲ ਭੂਗੋਲਿਕ ਲੇਬਲ ਹੈ ਜੋ ਕਈ ਗੈਰ-ਸੰਬੰਧਿਤ ਭਾਸ਼ਾਵਾਂ ਨੂੰ ਕਵਰ ਕਰਦਾ ਹੈ।
ਕਿਉਂਕਿ ਸੈਂਟੀਨੇਲੀਜ਼ ਅਤੇ ਜੰਗੀਲ ਅਣ-ਪ੍ਰਮਾਣਿਤ ਹਨ, ਇਸ ਕਰਕੇ ਅੰਡੇਮਾਨੀ ਭਾਸ਼ਾਵਾਂ ਨਾਲ ਉਨ੍ਹਾਂ ਦੇ ਸਬੰਧਾਂ ਬਾਰੇ ਲਗਭਗ ਕੁਝ ਨਹੀਂ ਜਾਣਿਆ ਜਾਂਦਾ ਹੈ।