ବିଜୟ କେତନ ପଟ୍ଟନାୟକ

ବିଜୟ କେତନ ପଟ୍ଟନାୟକ ଜଣେ ଭାରତୀୟ ଓଡ଼ିଆ-ଭାଷୀ ବିଜ୍ଞାନ ଓ ପରିବେଶ ଲେଖକ ଏବଂ ପରିବେଶବିତ୍।^[୧]

ବିଜୟ କେତନ ଖୋର୍ଦ୍ଧା ଜିଲ୍ଲାର ମୁକୁନ୍ଦପ୍ରସାଦଠାରେ ଜନ୍ମଗ୍ରହଣ କରିଥିଲେ । ପ୍ରଥମେ ବକ୍ସି ଜଗବନ୍ଧୁ ବିଦ୍ୟାଧର ଉଚ୍ଚ ବିଦ୍ୟାଳୟ, ପରେ ପ୍ରାଣନାଥ କଲେଜ, ଖୋର୍ଦ୍ଧାରୁ ଶିକ୍ଷା ସମାପ୍ତ କରି ବିଜେବି କଲେଜ, ଭୁବନେଶ୍ୱରରୁ ସ୍ନାତକ ଲାଭ କଲେ । ୧୯୭୧ରେ ସେ ଉତ୍କଳ ବିଶ୍ୱବିଦ୍ୟାଳୟରୁ ପଦାର୍ଥ ବିଜ୍ଞାନରେ ସ୍ନାତକୋତ୍ତର ଅଧ୍ୟୟନ କରିଥିଲେ। ପ୍ରଥମେ କିଛିଦିନ ଉତ୍କଳ ବିଶ୍ୱବିଦ୍ୟାଳୟରେ କମ୍ପ୍ୟୁଟର ବିଭାଗରେ କାର୍ଯ୍ୟ କରିବା ପରେ ସେ ଅଧ୍ୟାପକ ଭାବେ ଖୋର୍ଦ୍ଧାସ୍ଥିତ ପ୍ରାଣନାଥ କଲେଜ ଯୋଗଦେଇଥିଲେ । ପରେ ୧୯୭୫ରେ ସେ ଭାରତୀୟ ବନ ବିଭାଗରେ ଯୋଗ ଦେଇଥିଲେ ଓ ସେହି ଅଭିଜ୍ଞତାକୁ ୨୦୦୯ ମସିହାରେ ଓଡ଼ିଶା ସାହିତ୍ୟ ଏକାଡ଼େମୀ ପୁରସ୍କାରପାଇଥିବା ତାଙ୍କ ଆତ୍ମଜୀବନୀ ଅରଣ୍ୟ ଯାତ୍ରୀରେ ଲେଖିଥିଲେ।^[୨][୩] ସେ ବିଜ୍ଞାନ ଦିଗନ୍ତ ପତ୍ରିକାର ସମ୍ପାଦନା ଦାୟିତ୍ୱ ତୁଲାଇ ଆସୁଛନ୍ତି ।^[୪]

• ଅରଣ୍ୟ ଯାତ୍ରୀ (ଆତ୍ମଜୀବନୀ)
• ଛାମୁଙ୍କ ଆଖି ଲୁହ (କବିତା)
• ନଈ ପରି ଝିଅ (କବିତା)
• ଉଦବାସ୍ତୁ (କବିତା)
• ଚାଳ ଅଛି ଜାଳ ନାହିଁ
• ଚାଲ ବଣକୁ ଯିବା
• ଆସ ଗଛ ଲଗାଇବା
• ବୃକ୍ଷ ହିଁ ଜୀବନ

• ପରିବେଶ ପରିକ୍ରମା (୧୯୯୭)
• ଜଙ୍ଗଲ, ପରିବେଶ ଓ ମାନବ ଜୀବନ (୨୦୦୦)
• ପ୍ରକୃତି ଓ ପରିବେଶ (୨୦୦୬)
• ଓଡ଼ିଶାରେ ପ୍ରକୃତି ପର୍ଯ୍ୟଟନ (୨୦୧୧)
• ପରିବେଶ ପରିସଂସ୍ଥା ଓ ପରିଚିତି (୨୦୧୪)
• ପରିବେଶ ପଞ୍ଚାମୃତ (୨୦୧୮)
• ନୀଳମଣି ସେନାପତି, In the Wilds of Orissa (ନୀଳମଣି ସେନାପତିଙ୍କ ଓଡ଼ିଶାର ଅରଣ୍ୟରେ, ଅନୁବାଦ)

• ପଶୁପକ୍ଷୀଙ୍କ ଦୁନିଆ (୨୦୦୧)
• ଯନ୍ତ୍ରପାତି
• ଉଡ଼ିଉଡ଼ି ଯାଏ 'କ
• ଆମ ପକ୍ଷୀ ରାଇଜ
• ଜୀବ ଜଗତର ଅଜବ କଥା
• ହାତୀ ପାଇଁ ହାତଟିଏ
• ଆମ ବାଡ଼ି ବଗିଚାର ଔଷଧୀୟ ବୃକ୍ଷ, ଲତା, ଗୁଳ୍ମ
• ଆମ ଚାରିପଟର ସାପ
• ତୋଡ଼ା ଓ ଥର (ଅନୁବାଦ)
• ଭିତରକନିକା

• Forest Voices-An Insider's insight on Forest, Wildlife & Ecology of Orissa
• Chilika- The Heritage of Odisa