Lantanu

Lantanu (lat. Lanthanum) on alguaineh, kudai hiimiellizien elementoin sistiemas kuuluu kolmanden joukon sivujoukkoh da sijaiččou kuvvendes rivis. Lantanan atomnoumer on 57, atommassu on 138,9055. Alguainehen merki on La. Lantanu on hobjanvärine läpettäi metallu. Hiimiellizenny elementannu Lantanua ei voidu avata 36 vuottu. Vuonnu 1803 24-vuodehine ruoččilaine hiimiekku Jons Jakob Bercelius (Jöns Jacob Berzelius) tutki minerualua, kuduadu tänäpäi sanotah ceriitakse. Vuonnu 1839 Karl Mozander (Carl Gustav Mosander) eroitti täs minerualas uvven elementan. Bercelius ehoitti nimittiä sen Lantanakse. Nimen pohjannu on muinasgriekkalaine λανθάνω-sana, kudai livvikse on «olla peitos» libo «peittyö».