Genseric
|
Genseric
| |
|---|---|
 | |
| Moneda de Genseric | |
| Biografia | |
| Naissença | vèrs 389 |
| Decès | 477 |
| País: | Reialme vandal |
| Epòca: | Antiquitat |
| Règne: | 428 a 477 |
| Davancièr: | Gonderic |
| Successor: | Uneric |
Genseric (o Geiseric) foguèt un rei vandal que regnèt de 428 a 477. Es lo fondador del reialme vandal d'Africa.
Joventut
[modificar | Modificar lo còdi]Genseric es nascut vèrs 389, dins un luòc mal conegut, benlèu en Panònia. Es lo mièg fraire del rei dels vandals asdindges, Gonderic. Fa partida de l'invasion de Gàllia[1].
En Ispània, quand Gonderic mòr en Betica es causit per èsser lo nòu rei de tots los vandals e dels alans. La pression fòrta dels visigòts que son entrats en Ispània, lo decidís a passar en Africa en 429[1]. Los vandals se convertisson al cristianisme arian.
Reialme d'Africa
[modificar | Modificar lo còdi]
En 439, arès dètz ans de guèrra en Africa, Genseric parvenguèt a s'apoder de Cartage, çò que li tamben dona l'escasença de sasir los 3 700 naus de la flòta annonària. Gràcia a aquela flòta, lo reialme ven una poissança maritima e ocupa los Balears, la Sicília, la Sardenha e la Corsega[2]. Los vandals son alara los mèstres de la Mediterranèa occidentala[3].
Sacatge de Roma
[modificar | Modificar lo còdi]La pèrda de l'Africa es per Roma un problèma. La província produsiá de blat destinat a noirir la populacion de Roma, de mai lo blat èra transportat per la flòta annonària, alara dins las mans de Genseric. En 439, per s'assegurar la liurason de las cerealas, l'emperaire Valentinian III promet sa filha Eudocia, al filh de Genseric, Uneric. Mas, en 455, Valentinian es assassinat per lo senator Petronius Maximus qu'es proclamat emperaire e vòl maridar Eudocia amb so pròpi filh, Palladius. Per Genseric, es un escarni. Reclama la cession de la Mauretania, de la Corsega, de la Sardenha e de la Sicília e monta una expedicion maritima vèrs Roma. Los abitants per adocir lo rei vandal, tuan Petronius lo 31 de mai de 455. Arribat a Roma, Genseric es aculhit per lo papa Leon lo Grand. Genseric accepta de pilha sens tuar ni destriure. Après 14 jorns de sacatge, tornèt en Africa amb de prisonièrs, lo filh d'Aetius, la femna de Valentinian e sas doas filhas, dont Eudocia[4]. Eudocia foguèt maridada a Uneric, lor filh es lo rei Ilderic.
En 474, l'emperaire d'Orient Zenon reconneis la possession per los vandals dels territòris conquistats[3].
Referéncias
[modificar | Modificar lo còdi]- ↑ 1,0 et 1,1 Bey 2019, p. 60.
- ↑ Bey 2019, p. 56.
- ↑ 3,0 et 3,1 Ploetz 1998, p. 363.
- ↑ Bey 2018, p. 67-68
Fonts
[modificar | Modificar lo còdi]- (fr) Frédéric Bey, 2019, Au Cap Bon, les Vandales volent aux Romains leur Mare Nostrum, Guerres et Histoire n°49, p. 56-60.
- (fr) Frédéric Bey, 2018, Sacs de Rome, les deux chutes d'une ville déchue, Guerres et Histoire n°45, p. 64-68.
- (fr) Konrad Vössing, 2014, Les Vandales en Afrique du Nord – fossoyeurs ou héritiers de la romanitas ?, Annuaire du Collège de France 2012-2013, résumé des cours et travaux, 113e année, p. 928-930.
- (de) Collectiu, 1998, Der Grosse Ploetz. Die Daten-Enzyklopädie der Weltgeschichte, Komet.