Sosialistisk Ungdom
| Sosialistisk Ungdom | |||
 | |||
| Moderparti | Sosialistisk Venstreparti | ||
|---|---|---|---|
| Land | Noreg | ||
| Partileiar(ar) | Audun Hammer Hovda[1] | ||
| Hovudkvarter | Oslo | ||
| Medlemstal | 1 277 (2020)[2] | ||
| Ideologi | sosialisme  | ||
Sosialistisk Ungdom (SU) er ungdomsfylkinga til Sosialistisk Venstreparti. SU er ein revolusjonær, sosialistisk og feministisk organisasjon som kjempar for eit sosialistisk folkestyre.
SU har lokallag i alle fylke og hovudkontor i Akersgata 35 i Oslo saman med SV.
Historie
[endre | endre wikiteksten]SU blei først stifta i januar 1975 då ungdomspartia til dei partia som danna SV, gjekk saman. Organisasjonen blei likevel lagt ned 13. november 1981, på grunn av politisk usemje. Dagen etter blei han stifta på ny, mange av medlemmane var ikkje velkomne i den nye organisasjonen. Fleire av desse, i røynda ekskluderte, stifta då Arbeidermaktgruppa.
I tillegg til kampen for sosialisme og feminisme har SU arbeidd mykje med spørsmål som miljø, antirasisme og ungdomstilbod. Organisasjonen arbeider også mykje med internasjonal solidaritet, mellom anna i høve til Colombia og Palestina. Som ein del av solidaritetsarbeidet har organisasjonen markert seg sterkt med kritikk av USA sin utanrikspolitikk og Noregs haldning til denne.
Sosialistisk Ungdom gir ut ungdomsmagasinet Rødt Press. Organisasjonen har også gitt ut fleire bøker. Dei viktigaste dei siste åra er «Du skal ta ledelsen og makta I og II», «Feminisjon» og ei eiga handbok for ungdomsaktivistar.
Tidlegare leiarar
[endre | endre wikiteksten]- 1977–1980: Erik Solheim
- 1980–1984: Øystein Gudim
- 1984–1986: Kristin Halvorsen
- 1986–1988: Raymond Johansen
- 1988–1990: Paul Chaffey
- 1990-1992: Lisbet Rugtvedt
- 1992–1994: Kyrre Lekve
- 1994–1996: Andreas Tjernshaugen
- 1996–1999: Heikki Holmås
- 1999–2002: Kari-Anne Moe
- 2002–2004: Ingrid Fiskaa
- 2004–2006: Audun Herning
- 2006–2008: Kirsti Bergstø
- 2008–2010: Mali Steiro Tronsmoen
- 2010–2012: Olav Magnus Linge
- 2012–2014: Andreas Halse
- 2014–2016: Nicholas Wilkinson
- 2016–2018: Andrea Sjøvoll
- 2018–d.d. : Andreas Sjalg Unneland
Kjelder
[endre | endre wikiteksten]Bakgrunnsstoff
[endre | endre wikiteksten]
Denne samfunnsartikkelen som har med Noreg å gjere, er ei spire. Du kan hjelpe Nynorsk Wikipedia gjennom å utvide han.