Mortar
Mortar er ein handreiskap i form av eit kar av hardt materiale som til dømes messing, støypejarn, stein, porselen, der ein kan knuse eller gni sund bitar av meir eller mindre harde stoff til pulver ved hjelp av ein tilhøyrande støytar, òg kalla pistill.
Mortarar vert nytta i matlaging til å knuse krydder med til matlaginga, og er elles i bruk på laboratorium, i industriverksemder, og dessutan på apotek i samband med den framstillinga av medikament som går føre seg der.
