Karmei Yosef

Karmei Yosef
landsby
Karmei Yosef
Land	Israel
Distrikt	Sentral
Koordinatar	31°50′53.87″N 34°55′13.44″E / 31.8482972°N 34.9204000°E / 31.8482972; 34.9204000
Karmei Yosef 31°50′54″N 34°55′13″E / 31.848297222222°N 34.9204°E / 31.848297222222; 34.9204
Kart som viser Karmei Yosef.
Wikimedia Commons: Karmei Yosef

Karmei Yosef (hebraisk skrift כַּרְמֵי יוֹסֵף, tyder 'Yosef-vingardane', òg skrive Carmey Yosef) er ein fellesbusetnad sentralt i Israel. Han ligg i Shephelah mellom Ramle og Rehovot og høyrer til Gezer regionale kommune. I 2007 var folketalet 1 800 omkring 400 hushaldningar.

Landsbyen vart grunnlagd i 1984 av tidlegare innbyggjarar i Ness Ziona og Rehovot, og vart kalla opp etter Yosef Sapir. Karmei Yosef er spreidd utover kring 1640 mål. Han ligg 200–260 meter over havet, og grensar til Ayalondalen i nord og Meginimskogen i sør. Karmei Yosef ligg midt i eit kring 7500 mål stort jordbruksområde, der det hovudsakleg vert dyrka druer, i tillegg til frukt og olivenlundar.

Karmei Yosef ligg like ved den antikke byen Gezer.^[1] Gezer vart ein viktig kanaanittisk by i bronsealderen og israelittisk by i jernalderen. Byen er nemnt på Merneptah-stelen som er datert til slutten av 1200-talet fvt., og i følgje Bibelen, slo Josva kongen av Gezer i slaget om Kanaan (Josva 10:33).

• Offisiell nettstad (he)