Wittenmoor (Gemeen Düünbeudel)

Wapen/Flagg	Koort
Basisdaten
Bundsland: Neddersassen Landkreis: Stood Samtgemeen: Olendörp-Himmelpoorten Gemeen: Düünbeudel
Inwahners:
Postleettall:	21709
Vörwahl:	04141
Geograafsche Laag:	Koordinaten:53° 35′ N, 9° 23′ O53° 35′ N, 9° 23′ O

Wittenmoor (hoochdüütsch Weißenmoor) is en lütt Dörp in de Gemeen Düünbeudel in’n Landkreis Stood, Neddersassen.

De Oort liggt in dat Witte Moor op de Stoder Geest. Dat Water ut dat Rebeed flütt in’n Noorden över’n Oosterbeek na de Haschenfleter Wettern, in’n Oosten över’n Kattenbeek na de Swing un in’n Süüdwesten över Gravens ok na de Swing.

De Naveröörd sünd Schregenmoor in’n Noorden, Wiepenkathen in’n Oosten, Swing in’n Süden, Heinbockel in’n Westen un Düünbeudel in’n Noordwesten.

Wittenmoor is 1830 mit teihn Steden to 49 Morgen as Moorkolonie grünnt worrn.^[1]

De Oort hett vör 1859 to dat Amt Stood tohöört un denn von 1859 bet 1885 to dat Amt Himmelpoorten. Na 1885 weer dat in’n Kreis Stood. 1932 is dat Deel von’n ne’en, grötteren Kreis Stood worrn.

Wittenmoor weer en egenstännige Gemeen. 1929 is de Gemeen denn aver mit de Gemeen Düünbeudel tohoopleggt worrn.

Wittenmoor is evangeelsch-luthersch präägt un höört to de Karkengemeen von de Markus-Kark in Hahl. Vördem de Karkengemeen 1965 grünnt worrn is, hett Wittenmoor to dat Kaspel von de Cosmae-Kark in Stood tohöört.

För de Kathoolschen is de Hillig-Geist-Kark in Stood tostännig.

Dat Dörp hett en egen Karkhoff, de in’n Süüdoosten op de Geest liggt. De Karkhoff liggt op dat Rebeed von Wiepenkathen.

För Wittenmoor is de Freewillige Füürwehr Düünbeudel mit tostännig.

Wittenmoor liggt twischen de Bundsstraat 73 un de Bundsstraat 74 un is över lüttjere Straten ok noch mit Heinbockel verbunnen.

De nächste Autobahn is de Autobahn 26 (Afsnidd Stood–Hamborg). De Opfohrt 2 Stood-Süüd liggt so teihn Kilometer in’n Oosten von Wittenmoor an de B 73.

De nächste Bahnhoff is so bi veer Kilometer wied weg in’n Noorden de Bahnhoff Hammah an de Nedderelvbahn von Cuxhoben na Hamborg.

Wittenmoor höört to de Öörd mit tweesprakige Oortsschiller mit Hoochdüütsch un Plattdüütsch. De ne’en Schiller sünd opstellt worrn, nadem 2016 ok Düünbeudel ne’e Oortsschiller kregen hett.

1. ↑ Festschrift zur Säcularfeier der Königlichen Landwirthschafts-Gesellschaft zu Celle am 4. Juni 1864. Klindworth’s Verlag, 1864, Sied 218
2. ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 139
3. ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 142
4. ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 152
5. ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 160
6. ↑ Inwahnertallen op gemeindeverzeichnis.de

Wittenmoor (Gemeen Düünbeudel). Mehr Biller, Videos oder Audiodateien to’t Thema gifft dat bi Wikimedia Commons.