Frank Foster

Frank Benjamin Foster (* 23. September 1928 in Cincinnati, Ohio; † 26. Juli 2011 in Chesapeake, Virginia^[1]) weer en US-amerikaansch Jazzmusiker (Tenor un Sopransaxophon, Arrangement un Kompositschoon), de besünners ut sien Tiet bi Count Basie bekannt is.

Foster studeer an de Wilberforce University un fung 1949 an in Detroit mit dor ansässig Musikers as Wardell Gray un Elvin Jones to spelen. Nah den Militärdeenst (af 1951) gung he 1953 to dat Count Basie Orchestra, in de he Tenorsaxophon speel (ebenso as Frank Wess, aber ehder in‘ Stil vun Lester Young, wiels Wess mehr nah Oord vun Coleman Hawkins speel). Buterdem hett he för Basie arrangeert un komponeer Stücken as Shiny Stockings, Blues Backstage, Down for the count. He speel he ok in Sessions buterhalv vun de Band, to’n Bispeel mit Thelonious Monk 1954. In dat Johr 1961 wark he bi Elmo Hopes Album Homecoming! mit. Nah de Utstieg bi Count Basie 1964 komponeer he ünner annern för Sarah Vaughan un Frank Sinatra. 1970 bit 1972 speel he mit Elvin Jones, 1972 bit 1975 mit de Thad Jones-Mel Lewis-Bigband. He hett ok eegen Gruppen grünnd (as ok en Quintett mit Frank Wess 1983) un de Living Color un The Loud Minority Bigbands, mit de he in Europa un Japan touren dee. 1985 tour he in Europa mit dat Quintett vun Jimmy Smith. 1986 bit 1995 wurr he Nahfolger vun Thad Jones as Baas vun de Basie-Bigband. Dornah hett he sien The Loud Minority Bigband (mit Pianist Danny Mixon) wedderbeleevt. He leev (2011) in Chesapeake (Virginia).

2002 kreeg he dat Jazz Masters Fellowship vun de staatlich NEA-Stiften. He is ok in de American Jazz Hall of Fame upnommen wurrn.

• 1953: Here Comes Frank Foster (Blue Note)
• 1977/1978: Shiny Stockings (Denon)
• 1982: The House that Love Built (Steeple Chase)
• 1983: Two for the Blues (Pablo/OJC)
• 1984: Frankly Speaking (Concord Jazz)
• 1996: Leo Rising (Arabesque)
• 1998: Swing (live) (Challenge)
• 2003: We Do it Diff’rent (live) (Mapleshade)
• 2007: Well Water (Piadrum)

• Homepage
• Biographie bi Allmusic
• Biographie up de Sieden vun de NEA-Stiften (engelsch)
• Feature över Frank Foster bi Jazzwax
• To Foster up de Hardbop Homepage
• Interview 1992

1. ↑ http://www.longislandpress.com/2011/07/27/saxophonist-frank-foster-dies-played-with-basie/