റാംജിറാവ് സ്പീക്കിങ്ങ്

ഇംഗ്ലീഷ് വിലാസം

https://ml.wikipedia.org/wiki/Ramji_Rao_Speaking

റാംജിറാവ് സ്പീക്കിങ്ങ്
ഡി.വി.ഡി. പുറംചട്ട
സംവിധാനം	സിദ്ദിഖ്-ലാൽ
നിർമ്മാണം	ഫാസിൽ, അപ്പച്ചൻ, ഔസേപ്പച്ചൻ
രചന	സിദ്ദിഖ്-ലാൽ
തിരക്കഥ	സിദ്ദിഖ്-ലാൽ
സംഭാഷണം	സിദ്ദിഖ്-ലാൽ
അഭിനേതാക്കൾ	സായി കുമാർ മുകേഷ് ഇന്നസെന്റ് വിജയരാഘവൻ
സംഗീതം	എസ്. ബാലകൃഷ്ണൻ
പശ്ചാത്തലസംഗീതം	എസ്. ബാലകൃഷ്ണൻ
ഛായാഗ്രഹണം	വേണു
സംഘട്ടനം	മലേഷ്യ ഭാസ്കർ
ചിത്രസംയോജനം	ടി.ആർ. ശേഖർ
സ്റ്റുഡിയോ	അഥീയ ഫിലിംസ്
ബാനർ	സർഗ്ഗചിത്ര
വിതരണം	സെഞ്ച്വറി
പരസ്യം	സാബു കൊളോണിയ
റിലീസിങ് തീയതി	1 ജനുവരി 1989 (1989-01-01)
രാജ്യം	ഭാരതം
ഭാഷ	മലയാളം
സമയദൈർഘ്യം	150 മിനിറ്റ്

1989-ൽ പുറത്തിറങ്ങിയ മലയാളത്തിലെ ഒരു തമാശച്ചിത്രമാണ് റാംജിറാവ് സ്പീക്കിങ്ങ്. സിദ്ദിഖ്-ലാൽ എന്ന സം‌വിധാനകൂട്ടുകെട്ടിൽ പിറന്ന ആദ്യചിത്രമാണ് ഇത്. സായി കുമാർ, മുകേഷ്, ഇന്നസെന്റ്, രേഖ, വിജയരാഘവൻ, ദേവൻ, മാമുക്കോയ എന്നിവരാണ് ഈ സിനിമയിലെ പ്രധാന അഭിനേതാക്കൾ ^[1] ബിച്ചുതിരുമല എഴുതിയ വരികൾക്ക് എസ് ബാലകൃഷ്ണൻ ഈണമിട്ടു^{[2] [3]}. ഇതിൽ സായികുമാറിന്റേയും രേഖയുടേയും ആദ്യ ചിത്രം കൂടിയാണ് ഇത്. ഹേരാ ഫേരി എന്ന പേരിൽ പ്രിയദർശൻ 2000-ൽ ഈ ചിത്രം ഹിന്ദിയിൽ പുനർനിർമ്മിച്ചു. അക്ഷയ് കുമാർ, സുനിൽ ഷെട്ടി, പരേഷ് റാവൽ എന്നിവരായിരുന്നു ഈ സിനിമയിലെ പ്രധാന അഭിനേതാക്കൾ.

ബാലകൃഷ്ണൻ (സായ് കുമാർ) ഒരു തൊഴിൽ രഹിതനാണ്. തന്റെ അച്ഛൻ സുഹൃത്തായ ഹംസക്കോയയുടെ (മാമുക്കോയ) കയ്യിൽ നിന്ന് കടം വാങ്ങിയ പണം തിരികെ നൽകാൻ, ജോലിയിലിരിക്കെ മരിച്ച തന്റെ അച്ഛന്റെ ജോലി നേടാനായി ബാലകൃഷ്ണൻ പട്ടണത്തിലെത്തുകയാണ്. റാണിയും (രേഖ) ഇതേ ജോലിക്കായി ശ്രമിക്കുന്നതിനാൽ ഇവർ തമ്മിൽ മത്സരമാകുന്നു. കൽക്കത്തയിൽ വലിയ നിലയിൽ ജോലി നോക്കുകയാണെന്ന് അമ്മയോട് കള്ളം പറഞ്ഞ് നടക്കുന്ന മറ്റൊരു തൊഴിൽ രഹിതനാണ് ഗോപാലകൃഷ്ണൻ (മുകേഷ്). നാടക ട്രൂപ്പ് നടത്തുന്ന മാന്നാർ മത്തായിയുടെ (ഇന്നസെന്റ്) വീട്ടിലാണ് ബാലകൃഷ്ണനും ഗോപാലകൃഷ്ണനും താമസിക്കുന്നത്. ഉറുമീസ് തമ്പാൻ (ദേവൻ) എന്ന വ്യവസായിയുടെ ഫോൺ നമ്പറും മാന്നാർ മത്തായിയുടെ ഫോൺ നമ്പറും ടെലിഫോൺ ഡയറക്റ്ററിയിൽ മാറിയാണ് കിടക്കുന്നത്. ഇതിനാൽ മാന്നാർ മത്തായിക്ക് കിട്ടേണ്ട ഫോൺ വിളികൾ ഉറുമീസ് തമ്പാനും ഉറുമീസ് തമ്പാനുള്ള ഫോൺ വിളികൾ മാന്നാർ മത്തായിക്കുമാണ് ലഭിക്കാറ്. ഇതിനിടയിൽ റാംജി റാവ് (വിജയരാഘവൻ) ��ണത്തിനായി ഉറുമീസ് തമ്പാന്റെ മകളെ തട്ടിയെടുക്കുകയും ഉറുമീസ് തമ്പാനെ ഫോൺ വിളിച്ച് പണം ആവശ്യപ്പെടുകയും ചെയ്യുന്നിടത്താണ് കഥ ആകെ മാറുന്നത്. ഈ ഫോൺ കോൾ തെറ്റായി മാന്നാർ മത്തായിക്കാണ് ലഭിക്കുന്നത്. ഇത് പണം ഉണ്ടാക്കാനുള്ള ഒരു കുറുക്ക് വഴിയായി കണ്ട് ഇവർ ഉറുമീസ് തമ്പാന്റെയും റാംജി റാവുവിന്റേയും ഇടനിലക്കാരായി നിന്ന് രണ്ട് കൂട്ടരേയും പറ്റിക്കാൻ ശ്രമിക്കുന്നു. ഇതുമായി ബന്ധപ്പെട്ട തമാശകളും സംഭവങ്ങളുമാണ് ഈ ചിത്രത്തിന്റെ ഉള്ളടക്കം.

• വരികൾ:ബിച്ചു തിരുമല
• ഈണം: എസ്. ബാലകൃഷ്ണൻ

• റാംജിറാവ് സ്പീക്കിങ്ങ് (1989) വിഡിയോ യൂട്യൂബിൽ
• റാംജിറാവ് സ്പീക്കിങ്ങ് ഇന്റർനെറ്റ് മൂവി ഡാറ്റാബേസിൽ

വിക്കിചൊല്ലുകളിലെ റാംജിറാവ് സ്പീക്കിങ്ങ് എന്ന താളിൽ ഈ ലേഖനവുമായി ബന്ധപ്പെട്ട ചൊല്ലുകൾ ലഭ്യമാണ്‌: