Крајници (село)

Крајници
Крајници Местоположба на Крајници во Македонија Крајници на карта
Координати 41°34′12″N 21°46′43″E / 41.57000° СГШ; 21.77861° ИГД / 41.57000; 21.77861
Регион	Вардарски
Општина	Чашка
Население	0 жит. (поп. 2021)[1]
Шифра на КО	29032
Крајници на општинската карта Атарот на Крајници во рамките на општината
Крајници на Ризницата

Крајници — село во Општина Чашка, во околината на градот Велес.

Селото се наоѓа во централна Македонија.

Според германска карта издадена во 1941 година, а заснована на пописот на Кралство Југославија во 1931 година, селото имало 300 Македонци.^[2]

Во 2002 година во селото живееле 16 жители.

Според последниот попис од 2021 година, во селото немало жители.

Во табелата во продолжение е направен преглед на населението во сите пописни години:

Извор за 1900 г.: Македонија. Етнографија и статистика.^[3]; за 1905 г.: La Macédoine et sa Population Chrétienne.^[4]; за 1948-2002 г.: Државен завод за статистика на РМ.^[5]; за 2021 г.: Државен завод за статистика на РМ.^[6]

Крајници е македонско село.

Според истражувањата од 1966-67 година родови во селото се:

• Староседелци: Бошковци (5 к.), Славевци (7 к.) и Јанкуловци (3 к.) порано живееле во раселеното село Бафтинци, кое се наоѓало во атарот на селото Крајници. Во родот Бошковци се знае следното родословие: Милјан (жив на 72 г. периодот 1966-67) Ристо-Недо-Манасија-Бошко-Мише-Костадин, кој дошол во Крајници средината на XVIII век.
• Доселеници: Петревци (5 к.) доселени се од некое село во Дебарско, го знаат следното родословие: Борис (жив на 70 г. периодот 1966-67) Јован-Митре-Анѓеле-Петре, кој се доселил во селото; Шијаковци (8 к.) за нив се претпоставува дека се доселени од Шијак во Албанија; Карадоламци (1 к.) доселени се од раселеното село Припор, подалечно потекло од селото Црнилиште, Прилепско; Зајковци (1 к.) доселени се во 1915 година од селото Скачинци; Арсевци (1 к.) доселени се од селото Никодин, тиквешко/Прилепско; Егејци (2 к.) доселени се од воденско, од селото Горно Родиво.^[7]

Иселувањето се одвива за време на индустријализацијата на Македонија во почетокот на седумдессетите години на дваесеттиот век.Претежно мештаните од крајници се иселувале во Велес. Крајници не важи за иселеничко место за надвор од Македонија а малиот број на иселеници се претечно во западна европа најчесто во Германија.

Целосно се иселени следните родови: Трендевци, Ризовци, Кочовци и Караџовци. За Караџовци се збори дека биле доселени од селото Магарево, Битолско. Други иселеници се: Богоевци, Костовци и Крајничани. Првите два рода се иселени во селото Црквино, додека третиот род е иселен во Подлес и Скопје.^[7]

• Црква „Св. Никола“

Во селото постои избирачкото место бр. 2238 според Државната изборна комисија, сместени во просториите на основното училиште.^[8]

На претседателските избори во 2019 година, на ова избирачко место биле запишани вкупно 5 гласачи.^[9]

Археолошки наоѓалишта

• Градиште — градиште од доцноантичко време
• Манастирче — некропола од средниот век
• Мрамор — населба од доцноантичко време
• Припор — населба од средниот век
• Сувак — некропола од римско време

Личности родени во Крајници:

• Павле Игновски — македонски партизан, борец за слобода на Македонија, учесник во НОБ ^[10]

• Крајници (село) на Ризницата

Оваа статија за место во Македонија е никулец. Можете да помогнете со тоа што ќе ја проширите. п р у

п р у Населени места во Општина Чашка Бањица Бистрица Богомила Бусилци Владиловци Војница Габровник Голозинци Горно Врановци Горно Јаболчиште Долно Врановци Долно Јаболчиште Дреново Еловец Извор Лисиче Мартолци Мелница Мокрени Нежилово Оморани Ораов Дол Ореше Отиштино Папрадиште Раковец Смиловци Согле Стари Град Теово Црешнево Чашка Раселени Витанци Капиново Крајници Крива Круша Крнино Ново Село Плевење Поменово Попадија Степанци Историски Јасеново Припор Црница