Cairoeul (dint)
|
Quest articol chì l'è scrivud in lombard, con la Noeuva Ortografia Lombarda |
El cairoeul (del latin caries) a l'è una malatia degenerativa che la colpiss i tessut dur del dent che la vegn a causa de bateri che gh'è comunement in la boca che, se i dint inn minga sgurad ben o gh'è di problema imunitari, se meten su 'me placa dental e riven a desligà la strutura minerala di dint, cont el lassà di bus che poden anca fà un gran mal, se 'l riva a tocà la dentina o la polpa del dent.
Al d' d'incoeu el cairoeul a l'è retegnud irreversibel, e donca un dent cont un bus el ghe l'havarà per semper, ma l'odontoiatria la gh'ha di tecneghe per limità i dagn: in del cas de cairoeui piscinit se po sigillàlla, inscì de sbassà la possibilità che la se desvilupa, e gh'è anca di soluzzion medisinai che poden menà un cairoeul a fermàss. Se gh'è sgiamò di dagn, se po toeu via el tessut malad e sostituìll cont una oturazzion che ghe dà la forma giusta al dent e 'l protesg el so tessud. In cas che l'è propi gram e l'è rivad al nerv, a gh'è de devitalizàll, o ben toeu via la polpa e impienìll de una sostanza al so post, in quella manera chi el dent el sarà mort e 'l farà pu mal, menter in di cas propi pussee gram se po rivà a cavà el dent.
Bibliografia
[Modifega | modifica 'l sorgent]- Michel Heritier, Anatomia patologica dei denti e della mucosa orale, Masson, 1988, ISBN 978-88-214-1542-5.
Alter proget
[Modifega | modifica 'l sorgent]
Wikiquote el gh'ha dent citazzion de o su Cairoeul (dint)
Wikimedia Commons el gh'ha dent imagin o alter archivi su Cairoeul (dint)