veur

veur /vǿ:r/

1. vreuger es, ieëren es (vanne volgrie van tied)

   Veer mótte dao zeen veur vief oere, wen dan begintj 't.

2. ieëre taenge te kómmen op 'n plaats es, ieëren es get anges in 't zich es, korterbie es (vanne volgrie van 'n ruumdje)

   De sjoon staon veure deur.

   Kóns se-n allewiel nag veure kirk parkere?

   Zie lepe veur 't hoes.

   De wolken hónge veure zón, dus 't waas duuster.

3. ieëre kómmendj inne bewaegingsrichting

   Veure kirk mós se rechsaaf.

4. in 'n ruumdjelike richting nao 'n plaats [2]

   Zit mich die sjoon neet veure deur es ich 'nt poetse bön.

5. es ieëste, flotter es 'nen angere, op 'n hoger-plaats es 'nen angere (vanne volgrie van 'n lies)

   Joop steit veur mich oppe lies.

   A kump veur B in 't alfabèt.

6. (ajerwèts) guuef de oearzaak of de raeje van e verbandj aan

   Mam dórs veur angs de deur neet oet nao d'n oorlog.

7. guuef aan det get aan emes gerich, bestump of toegedeildj is

   Höb geer nag get inpakpepier veur mich?

   Veur dich höb ich altied nag e stökske flaaj!

8. guuef aan det get e zeker inj, nöt of plenning haet, in 't veurdeil (of naodeil) van

   Dae slók is allein veure kinjer.

   Dit book is mit naam veur vrouwlje die waal 'ns las höbbe van 'n slechte hoed.

9. guuef aan det e (genaes)middel 'n zeker krenkdje verhulp

   Dees pille zeen veure koppien.

10. guuef de waerd aan van get, taenge de pries van

    Ich gaon abseluut neet wirke veur vief euro de oer!

11. guuef 'n vervanging aan, in plaats van, te rule taenge

    Veur dich tieën angere!

12. guuef 'n meining aan in 't veurdeil van emes of get

    Die höbbe veur 't aanligke van dae waeg gestump, ram dore netuur haer.

13. guuef 'n vergelieking aan

    Doe kóns mich waal veur gek haje, mer ich zorg teminste det mich nieks euverkump.

14. guuef 'nen tiedsdoer of e tiedspuntj aan

    Doe kries d'n hóndj veur ein waek te lieën en dan zeen v'r waal wiejer.

15. guuef 'n volgrie aan, 't eint bie 't angert

    Trej veur trej leep 't maedje nao baove.

16. mit betrèkking toet, waat betruf

    Wie kan me noe engstig zeen veur zón klein bieësjkes wie muues?

    Ich höb op sjoeal 'n ach gekrege veur raekene!

17. guuef 'n raejen of 'n oearzaak aan

    Veur wie vreks toe bös waere veer allemaol gestraof.

18. guuef aan det me get verwèsseldj mit get anges

Raod

Veur oearsprónk noom dit veurzitsel d'n accusatief of d'n datief, aafhenkelik vanne beteikenis.

Aafbraeking

• veur

Net get anges gesjreve

• veer, voor, vuur

Antonieme

• achter, nao

Verwantje wäörd

• bie, taenge

Aafleijinge

• veur-, veure, vurge, vurrig, vurste
• veuraaf, veuraan, veur-aeveväöl, veural, veuralieër, veurberg, veurbie, veurdet, veureborde, veurenaafaan, veureuver, veurevoot, veurgood, veurhaer, veurhoup, veurin, veurluipig, veurnaam, veurnieks, veuroet, veurop
• veuraanblaozing, veurajer, veuraovendj, veurbandj, veurbeeldj, veurberaod, veurblaad, veurdeil, veurdeur, veureljer, veurgank, veurgenger, veurgesjiechte, veurgevel, veurgeveul, veurgróndj, veurhamer, veurhandj, veurhaof, veurhoed, veurhoes, veurhuier, veurjaor, veurkamer, veurkeur, veurkindj, veurkantj, veurlaag, veurlamp, veurleefdje, veurman, veurmiddig, veurnaam, veurnaamwaord, veurnach, veurnoe, veuroetgank, veuróntstaeking, veuroordeil, veuroppes, veurraad, veurrang, veurraod, veurrech, veurroet, veursjot, veursjrif, veurslaag, veurspraok, veursprónk, veurstèl, veurteiken, veurval, veurwaerd, veurwerk, veurwerp, veurzats, veurzich, veurzörg
• alveur, beveur, daoveur, d'rveur, hieveur, langsveur, middeveur, woveur
• Veurhaof

Antoniem

• achter

Zagswies

• Bótter bie de vès; Veurnieks woontj in Mezeik in e leimen huuske: Me mót betale, veur nieks is nieks te kriege.
• emes veure veut loupe: emes toet las zeen, emes hinjere
• get veur zich (kónnen) haje (naodrök op veur): e geheim (kónne) beware
• Me kan emes veure kop kieke, meh neet d'rin: Me wètj noeatj waat zich inne geis van anger luuj aafspeeltj.
• mit veur en nao: inne luip vannen tied
• van veure neet wete det me van achter laef: slaopendj uige, neet flot van verstandj zeen (Nederlandjs: suffig zijn)
• veur kepot ligke
• veure vurge waek
• veur mien/dien/... naas
• bie ... veur
• veur ... aaf
• veur ... langs

		predikatief		inkelvaad mannelik		inkelvaad vrouwelik	inkelvaad ónziejig		mieëvaad
		radikaal	liaison	radikaal	liaison		radikaal	liaison
nom.	sjrif	veur		veure	veuren	veure	veur 't		veure
	IPA	/vǿ:r/		/vǿ:rə/	/vǿ:rən/	/vǿ:rə/	/vǿ:rət/	/vǿ:rəd/	/vǿ:rə/
dat.	sjrif	veur		†veurgene	†veurgenen	†veurgen	†veurge	†veurgen	†veurgen †veurge
	IPA	/vǿ:r/		/vǿ:rɣənə/	/vǿ:rɣənən/	/vǿ:rɣən/	/vǿ:rɣə/	/vǿ:rɣən/	/vǿ:rɣən/ /vǿ:rɣə/

[1]

Albanees: para(sq:) Frans: avant(fr:) Ingels: before(en:) Nederlandjs: voor Pruus: vor

Spaans: antes, hace Tagalog: bago(tl:), sa harap ng(tl:) Viëtnamees: trước khi(vi:) Zweeds: före

[7]

Frans: pour(fr:) Ieslandjs: fyrir(is:) Ingels: for(en:) Luuksembörgs: fir Nederlandjs: voor, aan

Pruus: für Spaans: por(es:), para Volapük: ad(vo:) Zweeds: för, till

veur /vǿ:r/

1. gepospositioneerde vorm van veur: d'n tied veur

Aafbraeking

• veur

veur /vǿ:r/

1. ane veurkantj

   Det hoes haet veur 'ne groeaten haof ligke.

2. te vrundj
3. gunstig, in euvereinstumming mit emes, vanne zelvendje meining es emes
4. neet-wirkwäördelike res van e wirkwaord beginnendj mit veur-

Raod

De meiste beteikenisse waeren ouch gedèk door "veure".

Aafbraeking

• veur

veur /vǿ:r/

1. (naevesjikkendj) (~ (...) te) guuef de bestumming ('t rizzeltaat of 't doel) van get aan

   Haet det zin veur noe nag te gaon belle zoea laat?

   Die lamp steit dao veur leech te sjiene.

   Veur oet te drinke zeen die glazer noeatj gemèndj; die zeen veure sier.

   Die van hienaeve staon dao achtere sjötting veur te huuere waat veer zègke.

2. (synoniem) (óngersjikkendj) anger waord veur ieër

Raod

Wo in 't Nederlandjs de kómbenaasje om te gebroek wuuert, kump in 't Mofers nieks, of de kómbinaasje veur te:

• Veer gónge doe saoves nao Loetje danse.
• Kaevelieër gónge veer doe nag baeje.
• Pap kós waal saoterdis nag eweg zeen keziene sjiljere.

Aafbraeking

• veur

Synoniem

• [1] (óngersjikkendj) det

		voogwaord		persoean
vrie	sjrif	veur
	IPA	/vǿ:r/
2 iv.	sjrif	veurs		te se
	IPA	/vǿ:r̥s/		/(t)ə/
2 mv.	sjrif	veurtj		g'r
	IPA	/vǿ:r̥c/		/çə̽r/

[1]

Frans: pour(fr:), afin de Ieslandjs: til þess að Ingels: to(en:), in order to Nederlandjs: om te

Pruus: um zu Spaans: a fin de, para, a Volapük: adas(vo:) Zweeds: för att

veur /vø̀:r/

1. (neet-lemma) inkelveljigen ieëste-persoeansvorm (ich) innen hujigen tied van veure
2. (neet-lemma) inkelveljige gebi-jjendje wies van veure

Aafbraeking

• veur