Scandinavië

Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.

Scandinavië is 'n gebied in Noord-Europa. D'r term kan betekene:

• Geografisch gezieë: 't Scandinavische sjiereiland mèt de leng Noorwege en Zjwede en 't noordweste van Finland.
• Polletiek bezieë: de leng Denemarke, Noorwege en Zjwede.
• Historisch en cultureel bezieë bestaat Scandinavië oet de lidsjtaote van d'r Noordse Raod: Denemarke, Finland, Iesland, Noorwege en Zjwede. In 't Deens, Noors en Zjweeds wert dit gebied aangeduid es "Norden" en in 't Fins es "Pohjoismaat".

Mètstens wert de twiede of de driejde definitie gebruukd.

't Waoërd waoërt vör 't örsj gebroekd dör Plinius d'r Owwere (23-79) in de vörm 'Scadinauia' en is warsjienlek gevörmd oet de Aodgermaanse wäörd 'skadin' (sjaaj) en 'auio' (eiland).

De tale Noors, Zjweeds en Deens werre dèk aangeduid es de Scandinavische tale. Dit in taegenstèlling töt de Noord-Germaanse tale, oeë-oonder ooch Ieslands en Faeröers valle. De talen lieke zoe sjraek opèè dat ze oonderling te versjoeé zeunt.