Levice

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

Levice (Hongaars: Léva, Pruus: Lewenz) is 'n stad mit ruum 36.000 inwoeaners, gelaengen in 't wèste van Slowakieë in de noordoeastelike pöntj vanne Donauvlekdje (Slowaaks: Podunajská nížina) en ane linksen euver vanne reveer de Hron.

De ieëste sjriftelike verwiezing nao Levice (es Leua) stamp oet 1156. Toet 1918 behuuerdje de stad toet 't Keuninkriek Hongarije, en vanaaf det memèntj toet 't nuuj óntstange Tsjechoslowakieë. De stad behuuerdje van 1938 toet 1945 tiejelik weer toet Hongarije en saer de splitsjing van Tsjechoslowakieë toet Slowakieë.

De gemèndje Levice besteit naeve de stad Levice zelf oet de volgendje kerne. Tössen häökskes steit 't jaor worin 't stadsdeil of dörp bie de gemèndje woort geveug.

• Čankov (1986)
• Horša (1986)
• Kalinčiakovo (1976)
• Malý Kiar (1976)