19 april

Heiligedaag van Timon

Gebeurtenisse

1529 - Bie de Twiède Rieksdaag van Speyer protestere 'n aantal Fürsten en vriej sjtae tege 't obbenuujts insjtèlle van 't Edik van Worms. Hievan ies de benaming protestantisme aafgeleid.
1839 - In 't Verdraag van Londe were de grenze tösje Belsj en Nederland definitief vasgelag. Limburg weurt verdeild in e Belsj en e Nederlands deil.
1904 - Bie 'ne brand weurt e groat deil van Toronto (Canada) verwoes.
1923 - Egypte weurt door 'n verandering van de gróndwèt 'n monarchie.
1936 - Begin van de Palestiense opsjtand ónger leiding van de moefti van Jeruzalem Amin Al-Huseini.
1943 - 't Twintigste juuddetransport vanoet de Dossinkazerne in Mechele weurt op de sjpoorlien Mechele-Leuve tegegehouwte door drie jóng verzètsluuj, woadoor 'n aantal gedeporteerde kènt óntsjnappe.
1956 - De actrice Grace Kelly trouwt mèt prins Rainier III van Monaco.
1971 - De Sovjetunie lanceert de Saljoet 1, 't ièrsjte ruumdesjtation.
1980 - Johnny Logan wint veur Ierland in D'n Haag 't Eurovisiesongfestival mèt "What's Another Year".
1995 - 't Alfred P. Murrah Federal Building in Oklahoma City weurt gedeiltelik opgebloze (dit ies bekènd es Oklahoma City bombing); 168 luuj kómme um.
1999 - 't Duutsj parlement verhuus van Bonn nao de vernuujde Rieksdaag in Berlien.
2005 - Joseph Ratzinger weurt gekoze tot paus Benedictus XVI.