Problem cutanea

Un problem cutanea es un problem medical cual afeta la sistem de pel (la sistem cual inclui la pelo, ungias, musculos e glandes relatada). Esta sistem funsiona xef como un ostaculo contra la ambiente esterna.

Maladias de la pel inclui infetas de pel e neoplasmas de pel (incluinte canser de pel). Per plu, vade a esta articles.

• Manxa: un cambia de color de la pel, sin desformi clar.
• Papula: un bulteta, tipal un parte de un eruta inflamada de la pel.
• Placa: un lesion surfasal composada de conflue de multe peti papulas.
• Nodulo: un infla peti o un agrega de selulas en la corpo, tipal nonormal.
• Tumor: un infla de un parte de corpo, jeneral sin inflama, causada par un crese nonormal de texeda.
• Bula: un pox peti de fluida (limfa, sero, sangue, o pus su la stratos alta de la pel
• Vesicula: un bula peti, un eleva epidermal plenida con aira o licuida, min ca 5–10 mm de diametre.
• Pustula: un bula peti sur la pel cual conteni pus.
• Siste: un caveta nonormal conteninte un secrete licuida.
• Eritema: rojin de la pel o membranas mucosa, causada par un iperemia en capilares surfasal
• Erode: un abri de la pel con perde noncompleta de la epiderma, moida, limitada, e tipal depresada.
• Ulcera: dana sur la pel o membrana mucosa, con desintegra de la texeda.
• Fesur: un abri lineal de la pel, tipal profunda.

• Crosta: sebo, pus o sangue seca, usual miscada con detrito epitelial e a veses baterial.
• Atrofia: refere a perde de texeda, e pote es epidermal o sucutanea.
• Scama: seca o grasosa masas de laminida ceratin, simil a la scamas de un retil.
• Ceratose: un crese de ceratin sur la pel o membranas mucosa.
• Escara: un peso de texeda necrosica cual ia es perdeda de la surfas de la pel.
• Ragade: fesures o sicatrises linial en la pel, spesial a la angulos de la boca e nas.
• Sicatris: pel normal pos dana, la resulta de la repara de pel.
• Contusa: un tipo de ematoma de texeda en cual capilares surfasal es danada, tipal de un colpa.

• Miller, Jeffrey H.; Marks, James G. (2006). Lookingbill and Marks' Principles of Dermatology. Saunders. ISBN 1-4160-3185-5.{{cite book}}: Manteni de CS1: data autotraduida (link)
• Géraut C, Frimat P. Dermatoses des utilisateurs de ciments; Arch Mal Prof 1993 ; 54 : 312-314
• Paolo Fabbri, Carlo Gelmetti, Giorgio Leigheb (2010). Manuale di dermatologia medica. Elsevier Masson. ISBN 978-88-214-3122-7. {{cite book}}: Parametre nonconoseda |city= iniorada (|location= sujestada) (aida); Sita ave parametre nonconoseda: |1= (aida)Manteni de CS1: data autotraduida (link) Manteni de CS1: nomes muliple: lista de autores (link)