Tomium (urbs)

Tomium^[1]^[2]^[3] sive Tomscum,^[4] vulgo Tomsk^[5] (Russice Томск), urbs est in Siberia occidentali, metropolis regionis Tomensis (Tomskensis) Foederationis Russicae. Anno 1604 conditum, annis ab 1804 ad 1925 erat metropolis gubernii Tomensis (Tomskensis), anno 1944 sedes administrativa regionis hodiernae factum est. Circa 569 milia incolarum habet (anno 2021).

Tomium est valens scientiae et culturae sedes. Anno 1878, prima universitas studiorum Siberiae hic fundata est. Urbi nunc sunt sex universitates et multa alia educationis instituta. Urbs quaedam musaea et theatra habet.

Tomium etiam est sedes industriae: constructionis machinarum, fabricae metallorum, etc. Stationem ferriviariam, portum ad flumen Tomum (quod urbi nomen dedit), et aeroportum habet.

Tomii sunt multa monumenta architecturae saeculorum duodevicesimi–vicesimi.

Notae

Nexus externi

Vicimedia Communia plura habent quae ad Tomium urbem spectant.

Situs geographici et historici: Locus: 56°29′19″N 84°57′8″E • GeoNames • Store norske Lexikon • Большая российская энциклопедия

[1] Ioannis Georgii Gmelin Flora sibirica sive historia plantarum Sibiriae, tomus I., 1747, p. 122

[2] Iosephi Adami Braun Observationes meteorologicae octo annorum in diversis Sibiriae locis ab a. MDCCXXXIV ad a. MDCCLI factae (in: Novi commentarii Academiae scientiarum imperialis Petropolitanae, tom. VI., 1761), p. 470

[3] Historia de Sibiria (in: А. Титов Сибирь в XVII-м веке, Moscuae, 1890), p. 125

[4] Ioannis Uphagen Parerga historica, 1782, pp. 424-425, etiam Tomiscum (Caroli Egger Lexicon Nominum Locorum (1977, 1982: ISBN 88-209-1254-6), p. 313.)

[5] Braun, Observationes meteorologicae..., pp. 427, 462

[1]