Operatio strategica offensiva Belorussica

Agmina Sovietica occultabantur: Imago superior describit rerum militarium statum quomodo exploratores Germanici viderunt 21 Iunii 1944. Imago inferior describit statum et consilia Sovietica quomodo re vera fuerunt. Colore violaceo illi exercitus designantur qui usque ad initium incursionis Sovieticae Germanis inexplorati erant.[1]

Operatio strategica offensiva Belorussica, (Russice) Белорусская наступательная операция (1944), etiam nomine significationis occultae operatio "Bagration" (Операция «Багратион»), fuit proelium in Belorussia (Ruthenia Alba) gestum et incursio Sovietica in milites Germanicos facta. Incursio incepit die 22 Iunii anno 1944. Primum Sovieti conabantur Minscum expugnare, sed, cum viderunt res bene succedere, paene omnem partem Unionis Sovieticae adhuc a Germanis occupatam expugnaverunt.