Flavius Eusebius

Flavius Eusebius (nescimus, quando natus sit, mortuus est ante annum 353) vir publicus Romanus saeculi quarti erat.

Familia

Familia eius ordinis humilis e Thessalonica urbe in Macedonia orta est. Uxorem duxit ac tres liberos habuit: Flavium Eusebium et Flavium Hypatium filios, qui anno 359 consules fuerunt. atque filiam Eusebiam, quae post mortem patris hieme anni 352/353 Constantio II imperatori Romano nupsit.

Cursus honorum

Ante annum 347 Eusebius per gradus exercitus Romani ad honorem magistri equitum et peditum pervenit^[1]. Hoc anno consulatum gessit primus e gente sua, una cum Vulcacio Rufino collega^[2].

Notae

↑ Codex Theodosianus XI 1,1
↑ CIL 10 477^{[nexus deficit]}

Antecessores: Imp. Caesar Flavius Iulius Constantius Augustus IV et Imp. Caesar Flavius Iulius Constans Augustus III	Consul 347 cum Vulcacio Rufino	Successores: Flavius Philippus et Flavius Salia

[1] Codex Theodosianus XI 1,1

[2] CIL 10 477^{[nexus deficit]}

[1]