Carolus Maximowicz

Carolus Ioannis filius^[1] Maximowicz (Russice Карл Иванович Максимович), die 11 Novembris^[2] anno 1827 Tulae natus et 4 Februarii^[3] 1891 Petropoli mortuus, fuit botanista Russicus.

Vita et opera

In Annenschule Petropoli et postea in Universitate Dorpatensi apud Alexandrum de Bunge educatus, horto botanico Tartuensi et ab anno 1852 horto botanico Petrpolitano operam dabat. ab anno 1854 ad 1857 et a 1859 ad 1864 Amuris regionem, Orientem Extremum Russiae et Iaponiam investigabat. Ab anno 1869 horti botanici Petropolitani botanicus primus, ab anno 1870 Musei botanici director, ab anno 1871 Academiae scientiarum socius. Permultae species a Maximowicz descriptae sunt vel nomine eius appellatae.

Primitiae florae amurensis, 1859
Rhamneae orientali-asiaticae, 1866
Rhododendreae Asiae Orientalis, 1870
Diagnosis plantarum novarum asiaticum (fasc. I—VIII, 1876—1893)
Flora tangutica, sive enumeratio plantarum regionis Tangut (Amdo) provinciae Kansu, nec non Tibetiae praesertim orientaliborealis adque Tsaidon: ex collectionibus N.M. Przewalski atque G.N. Potanin, (Fasc. I. Thalamiflorae et Disciflorae, 1889)
Enumeratio plantarum hucusque in Mongolia: nec non adjacente parte Turkestaniae Sinensis lectarum, 1889

Lexica biographica: • Deutsche Biographie • Большая российская энциклопедия • • IPNI

Siglum eius nominibus botanicis subscriptum est "Maxim." (apud IPNI reperiendum)