Томас Эдисон

(en) A Day with Thomas Edison (1922).

Томас Алва Эдисон (англисче Thomas Alva Edison) (1847-жылы 11-февралда АКШнын Огайо штатында туулган – 1931-жылы 18-октябрда Нью-Жерси штатында дүйнөдөн кайткан) – америкалык даңазалуу ойлоп тапкыч жана ишкер.

Кыскача өмүр таржымакалы

Томас Эдисон 1847-жылы 11-февралда АКШнын Огайо штатында туулган.

Ал АКШда 1093 ачылышы үчүн патент алган. Улуу Британия, Франция жана Германия сыяктуу башка өлкөлөрдө да ар кыл ачылыштары үчүн 3 миңдей патент каттаткан. Анын ойлоп тапкыч аракеттеринин натыйжасында телеграф, телефон жана кино жабдуулары жакшыртылган.

Электр шамдарынын эң алгачкы ийгиликтүү үлгүлөрүнүн бирин сунуштаган. Нью-Йоркто электр кубатын өндүрүүчү алгачкы ишкананы негиздеген. Электр кубатына негизделген туңгуч темир жол унаасын – электр арабасын ойлоп тапкан, электроника тармагын негиздеген, үн жазгыч аспап – фонографты ойлоп тапкан. Эдисондун сунушу менен телефон сүйлөшүү алдында “алло” деп айтуу салты киргизилген.

Томас Едисон 1931-жылы 18-октябрда АКШда Нью-Жерси штатында дүйнөдөн кайткан.

Сыйлыктары. Наамдары

1928-жылы АКШнын жогорку сыйлыгы – АКШ Конгрессинин Алтын медалы менен сыйланган.

Эдисон тууралуу кыргыздар качан кабардар боло баштаган?

Кыргыздар Эдисон тууралуу ХХ кылымдын башында кабардар болушкан.

Маселен, 1913-15-жылдары кыргыз тарыхчысы Осмонаалы Сыдык уулу Эдисон тууралуу кабардар болгон. Өзүнүн бир айылдашынын өтө зиректигин жазып, атаганат, эгерде ал тийешелүү билим алса, Эдисон сыяктуу ойлоп тапкыч болбойт беле деп бул тарыхчы терең өкүнгөн.

Эмгектери

Эдисон АКШда 1093 патент алган(жеткиликсиз шилтеме), мынчалык көп ойлоп тапкан киши ага чейин болгон эмес.

Ал тууралуу эмгектер, макалалар

...

Интернеттеги шилтемелер

http://tomasedison.ru/ Archived 2012-05-14 at the Wayback Machine
Биография Томаса Эдисона(жеткиликсиз шилтеме)
Сайт посвященный Томасу Эдисону Archived 2012-05-14 at the Wayback Machine
А. В. Каменский «Эдисон и Морзе: их жизнь и научно-практическая деятельность», СПб., тип. Ю. Н. Эрлих, 1891.
Томас Эдисон в кинохронике начала XX века Archived 2011-10-25 at the Wayback Machine
Краткая биография Томаса Эдисона Archived 2010-07-13 at the Wayback Machine
Биография Томаса Эдисона
«Томас Альва Эдисон и кино: Краткая история невзаимной любви» — очерк Сергея Бережного