Kartalar

KARTALAR. Jer júzin hám onıń ayırım bólimlerin kartadan paydalanıp úyreniw qolaylı boladı. Globusta Jer júzi shardıń betinde súwretlense, kartada jerler jalpaq kóriniste súwretlenedi.Karta – Jer júzi yamasa ayırım bólimleriniń kishireytirilgen tegis túrdegi kórinisi.Globus betin ekige bólip, sheńber formasındaǵı eki yarımshar kartası dúziledi. Jer sharı betiniń ekige bólingen sheńberbformasındaǵı kórinisi yarımsharlar kartası dep ataladı.Olardan biri – batıs yarımshar kartası,ekinshisi – shıǵıs yarımshar kartası dep ataladı. Bul haqqında joqarı klaslarda bilip alasız.Kartalarda okean, teńiz ,kól sıyaqlı suw saqlaǵıshlar kók reńde súwretlenedi. Dáryalar kók reńindegi iyrek sızıqlar menen kórsetilgen boladı.Qurǵaqlıqlar, yaǵnıy materikler hám arallar biyikligine qarap jasıl, sarı, qońır reńde súwretlenedi.Kartalarda Jer júzi yamasa onıń bólimi neshe ese kishireytirilgeni arnawlı shártli belgi arqalı kórsetiledi. Bunday shártli belgi masshtab dep ataladı. Masshtab hár túrli túrde beriledi.