საგარეჯოსა და ნინოწმინდის ეპარქია

საგარეჯოსა და ნინოწმინდის ეპარქია — საქართველოს ეკლესიის სამღვდელმთავრო აღმოსავლეთ საქართველოში, გარე კახეთში, მდინარე ივრის აუზში, გომბორის ქედის სამხრეთ-დასავლეთი კალთებზე. იგი მოიცავს ქალაქ საგარეჯოსა და მის მუნიციპალიტეტს. ეპარქიას აღნიშნული სახელწოდება 2003 წლის 18 აგვისტოს ურბნისის საკათედრო ტაძარში ჩატარებულ წმინდა სინოდის კრებაზე ეწოდა. 1995 წლის 5 აპრილიდან იგი საგარეჯოსა და გურჯაანის საერთო სახელწოდებით არსებულ სამღვდელმთავროს მიეკუთვნებოდა, რომლის გაყოფის შემდეგ ჩამოყალიბდა საგარეჯოსა და ნინოწმინდის ეპარქია, და გურჯაანისა და ველისციხის ეპარქია. საქართველოს ამჟამინდელი საეპარქიო ადმინისტრირებით, სამღვდელთმთავროს აღმოსავლეთიდან ესაზღვრება ბოდბისა და გურჯაან-ველისციხის ეპარქიები, დასავლეთიდან - გარდაბნისა და მარტყოფის და მცხეთა-თბილისის ეპარქიები, ჩრდილოეთიდან - ალავერდისა და თიანეთ-ფშავ-ხევსურეთის ეპარქიები, სამხრეთის მიჯნა საქართველო-აზერბაიჯანის სახელმწიფო საზღვარს ემთხვევა.

საგარეჯო-ნინოწმინდის ეპარქიის ტერიტორია ისტორიული კახეთის სამეფოს მესამე სადროშოს მიეკუთვნებოდა. ამ რეგიონში საქართველოს გაქრისტიანების ახლო ხანებიდან რამდენიმე მსხვილი სამღვდელმთავრო კათედრა არსებობდა, რომელთაც დასაბამი წმიდა მეფე ვახტანგ გორგასლის საეკლესიო რეფორმამ დაუდო. ვახტანგის მიერ დაფუძნებულ ქართლის საკათალიკოსოში თორმეტი ახალი საეპისკოპოსო კათედრიდან ორი - ნინოწმინდა და კაწარეთი თანამედროვე საგარეჯო-ნინოწმიდის ეპარქიის ტერიტორიაზე მდებარეობდა. ნინოწმიდის საეპისკოპოსოს მწყემსმთავარი მეექვსე საუკუნის დასაწყისში დვინის საეკლესიო კრებაზეც მოიხსენიება.

2003 წლის 18 აგვისტოს ურბნისის საკათედრო ტაძარში ჩატარებულ საქართველოს მართლმადიდებელი ეკლესიის წმიდა სინოდის კრების განჩინებით, საგარეჯოსა და გურჯაანის ეპარქიის სამწყსო ტერიტორიის გადანაწილების შემდეგ, ჩამოყალიბდა გურჯაანისა და ველისციხის და საგარეჯოსა და ნინოწმიდის ეპარქიები.

საგარეჯოსა და ნინოწმიდის ეპარქიის მღვდელმთავრად საქართველოს ეკლესიის წმიდა სინოდმა გამოარჩია დავით-გარეჯის მამათა მონასტრის წინამძღვარი, არქიმანდრიტი ლუკა ლომიძე.

• საქართველოს ეპარქიები

• საგარეჯოსა და ნინოწმინდის ეპარქია
• საგარეჯოსა და ნინოწმინდის ეპარქია დაარქივებული 2012-02-08 საიტზე Wayback Machine.

ხ • გ • რ საქართველოს ეპარქიები საქართველოს ტერიტორიაზე მცხეთა-თბილისის ეპარქია ბიჭვინთისა და ცხუმ-აფხაზეთის ეპარქია ქუთაის-გაენათის ეპარქია ჭიათურისა და საჩხერის ეპარქია მანგლისისა და თეთრიწყაროს ეპარქია წილკნისა და დუშეთის ეპარქია ტყიბულისა და თერჯოლის ეპარქია რუისისა და ურბნისის ეპარქია ალავერდის ეპარქია ნეკრესის ეპარქია შემოქმედის ეპარქია ნიქოზისა და ცხინვალის ეპარქია ბორჯომისა და ბაკურიანის ეპარქია ფოთისა და ხობის ეპარქია ახალქალაქის, კუმურდოსა და კარის ეპარქია ახალციხისა და ტაო-კლარჯეთის ეპარქია ხონისა და სამტრედიის ეპარქია ბათუმისა და ლაზეთის ეპარქია ვანისა და ბაღდათის ეპარქია ზუგდიდისა და ცაიშის ეპარქია გორისა და ატენის ეპარქია ჭყონდიდის ეპარქია ცაგერისა და ლენტეხის ეპარქია მესტიისა და ზემო სვანეთის ეპარქია სენაკისა და ჩხოროწყუს ეპარქია რუსთავის ეპარქია გურჯაანისა და ველისციხის ეპარქია საგარეჯოსა და ნინოწმიდის ეპარქია დმანისისა და აგარაკ-ტაშირის ეპარქია სტეფანწმინდისა და ხევის ეპარქია სხალთის ეპარქია ბოლნისის ეპარქია მარგვეთისა და უბისის ეპარქია ბოდბის ეპარქია თიანეთისა და ფშავ-ხევსურეთის ეპარქია ხორნაბუჯის ეპარქია სამთავისისა და კასპის ეპარქია სურამისა და ხაშურის ეპარქია მარნეულისა და ჰუჯაბის ეპარქია მარტყოფისა და გარდაბნის ეპარქია წალკის ეპარქია ნიკორწმინდის ეპარქია კახისა და ქურმუხის ეპარქია საზღვარგარეთ ავსტრალიის ეპარქია ბელგიისა და ჰოლანდიის ეპარქია გერმანიისა და ავსტრიის ეპარქია დასავლეთ ევროპის ეპარქია დიდი ბრიტანეთისა და ირლანდიის ეპარქია სამხრეთ ამერიკის ეპარქია ჩრდილოეთ ამერიკის ეპარქია

ხ • გ • რ საქართველოს მართლმადიდებელი ეკლესიის მართვა-გამგეობის დებულებები საქართველოს ეკლესიის მართვა-გამგეობის დებულება (1917) საქართველოს ეკლესიის მართვა-გამგეობის დებულება (1920) საქართველოს ეკლესიის მართვა-გამგეობის დებულება (1927) საქართველოს ეკლესიის მართვა-გამგეობის დებულება (1945) საქართველოს ეკლესიის მართვა-გამგეობის დებულება (1995)