იენ მაკიუენი

იენ მაკიუენი
ინგლ. Ian McEwan
დაბადების თარიღი	21 ივნისი, 1948(1948-06-21)[1] [2] [3] [4] [5] [6] [7] [8] [9] [10] (76 წლის)
დაბადების ადგილი	ოლდერშოტი[11] [12]
საქმიანობა	მწერალი[13] [14] [15] [16] , სცენარისტი, რომანისტი, დრამატურგი, კინოპროდიუსერი[17] [18] , ავტორი[19] და კინოსცენარისტი[20]
მოქალაქეობა	გაერთიანებული სამეფო[5]
ალმა-მატერი	ვულვერსტონ-ჰოლის სკოლა, სასექსის უნივერსიტეტი და აღმოსავლეთ ანგლიის უნივერსიტეტი
Magnum opus	ცემენტის ბაღი და მონანიება
ჯილდოები	ბუკერის პრემია
მეუღლე	ანალენა მაკაფი
გავლენა მოახდინეს :::ჯონ აპდაიკი, ფილიპ როთი, ვირჯინია ვულფი, სოლ ბელოუ და ფრანც კაფკა[21]
საიტი	ianmcewan.com
იენ მაკიუენი ვიკისაწყობში

იენ რასელ მაკიუენი (ინგლ. Ian McEwan, დ. 21 ივნისი, 1948) — ინგლისელი მწერალი და სცენარისტი, სომერსეტ მოემის, ბუკერისა და იერუსალიმის პრესტიჟული ჯილდოების მფლობელი. 2008 წელს ჟურნალმა „The Times“-მა მაკიუენი დაასახელა „1945 წლიდან 50 საუკეთესო ბრიტანელ მწერალს“ შორის, ხოლო „The Daily Telegraph“-მა მწერალს „ბრიტანულ კულტურაში 100 ყველაზე გავლენიან ადამიანს“ შორის მე-19 ადგილი მიანიჭა.^[22]

მაკიუენმა სამწერლობო კარიერა უჩვეულო სტილის გოთიკური მოთხრობების წერით დაიწყო. მისი პირველი რომანი იყო „ცემენტის ბაღი“. მწერალს ბუკერის პრემია მოუტანა რომანმა სახელწოდებით „ამსტერდამი“. საყოველთაო აღიარება მოიპოვა მისმა მომდევნო რომანმა სახელწოდებით „მონანიება“, რომლის მიხედვითაც 2007 წელს ოსკაროსანი ფილმი გადაიღეს.

იენ მაკიუენი 1948 წელს ჰემპშირში დაიბადა.^[23] მამამისი, დეივიდ მაკიუენი, შოტლანდიის არმიის ოფიცერი იყო.^[24] იენმა ბავშვობა აღმოსავლეთ აზიის, გერმანიის და ჩრდილოეთ აფრიკის სამხედრო ბაზებზე გაატარა. იგი 12 წლის იყო, როცა მისი ოჯახი ინგლისში დაბრუნდა. 1970 წელს იენმა სასექსის უნივერსიტეტის ინგლისური ლიტერატურის ფაკულტეტი ბაკალავრის ხარისხით დაამთავრა, ხოლო აღმოსავლეთ ანგლიის უნივერსიტეტში ლიტერატურაში მაგისტრის ხარიხსი აიღო.^[25]

1998 წელს მაკიუენმა რომანისთვის „ამსტერდამი“ ინგლისური ლიტერატურის ყველაზე პრესტიჟული ჯილდო — ბუკერი დაიმსახურა. მწერალი სულ ექვსჯერ იყო ნომინირებული ბუკერის პრემიაზე, მათ შორის რომანებისთვის „მონანიება“ და „ქვიან სანაპიროზე“.

2005 და 2007 წლებში მაკიუენმა ორჯერ მიიღო საერთაშორისო ბუკერის პრემია.^[26]

2008 წელს ჟურნალმა „The Times“-მა მაკიუენი დაასახელა „1945 წლიდან 50 საუკეთესო ბრიტანელ ავტორს“ შორის.^[27]

2011 წელს მაკიუენი დააჯილდოვეს იერუსალიმის პრემიით.^[28] ამ ჯილდოს მფლობელები ხდებიან მწერლები, რომლებიც თავიანთ ნამუშევრებში მხარს უჭერენ საზოგადოებაში ინდივიდის თავისუფლებას.

2012 წელს სასექსის უნივერსიტეტმა მაკიუენს 50 წლის იუბილეზე ლიტერატურაში მისი წვლილისთვის ოქროს მედალი გადასცა.^[29]

2014 წელს ტეხასის უნივერსიტეტის არქივმა მწერლის ლიტერატურულ არქივები ორი მილიონი დოლარად შეისყიდა. არქივი შეიცავს მაკიუენის ყველა წინამორბედი რომანის შავ ჩანაწერს.^[30]

1. „ცემენტის ბაღი“ (1978)
2. „უდანაშაულო“ (1990)
3. „შავი ძაღლები“ (1992)
4. „ამსტერდამი“ (1998)
5. „მონანიება“ (2001)
6. „შაბათი“ (2005)
7. „ქვიან სანაპიროზე“ (2007)
8. „სოლარი“ (2010)

• ოფიციალური საიტი
• ოფიციალური ბლოგი