Balèt

Balèt ya iku salah sawijining tèknik jogèd. Sing kalebu ana ing balèt ya iku ana jogèd, mime, akting lan musik. Balèt bisa ditampilaké dhéwé utawa kanggo digawé opera. Tèknik balèt kang misuwur ya iku virtuosonya kaya ta pointe work, grand pas de deuk. Tèknik balèt padha karo tèknik anggar, bokmanawa amarga balèt lan anggar dikembangaké ing périodhe kang padha, balèt lan anggar uga padha padha mbutuhaké tèknik kaseimbangan.

Istilah "Ballo" diwiwiti déning "Domenico da Piacenza" ing adicara De Arte Saltandi et Choreas Ducendi", saéngga karyané misuwur kanthi ballèti utawa balli banjur dadi balèt. Istilah balèt ditepungaké déning Balthasar de Beaujoyeux ana ing adicara "Ballet Comique dela Rovne" (1581).

Balèt diwiwiti saka adicara temu para ningrat Italia ing jaman pancerahan. Banjur, balèt dikembangaké ana ing "ballet de cour", ya iku dansa sosial kang dilakokaké bareng musik, pidhato, puisi, nembang, dékor lan kostum para ningrat Prancis. Balèt banjur dikembangaké dadi jogèd ing Prancis ing jaman pameréntahan Louise XIV kang seneng banget marang kagunan jogèd. Sang Raja ngadegaké "Académie Royale de Danse" taun 1661, ing taun iku uga balèt komèdhi karya Jean-Baptist Lully ditampilaké. Lully ngadegaké sekolah kanggo penari balèt profèsional kang duwé gegandhèngan karo "Académie Royale de Musique".

Abad 18 balèt dadi maju banget. Balèt dadi kagunan drama kang sérius lan setara karo opera. Iki disebabaké déning karyané Jean-Georges Noverre kang judhulé "Lettres sur la danse et les ballets" (1760), kang ngrintis "ballet d’action" ya iku penari kudu ngèksprèsikaké karakter lan nampilaké narasi cariyos. Ing jaman iku musik balèt dikembangaké déning komponis kaya ta Cristopher Gluck.

Abad 19 balèt ngalami owah-owahan, ora kaya kagunan kang ningrat (balèt romantis). Ballerina kaya Marie Taglioni lan Fanny Elssler ngrintis tèknik anyar ya iku "pointe work" kang njalari ballerina dadi wigati banget ing panggung. Librettist professional uga nglebokaké carita ing balèt. Carlo Blasis modhifikasi balèt saéngga dadi tèknik dhasar sing isih dienggo nganti saiki. Taun 1850 balèt ora misuwur ing nagara kulon kajaba Dhènemarken lan Ruslan.

• Ana Pavlova
• Margot Fonteyn
• Ekaterina Makarova
• Gilsey Kirkland
• Sylvie Guillem
• Darcey Bussell
• Alessandra Ferri
• Nina Ananiashvili
• Gillian Murphy
• Svetlana Zakharova
• Tamara Rojo

• Nanny Anastasia Lubis
• Farida Oetoyo
• Maya Tamara
• Tanneke Burki
• Farida Feisol
• Ade Rayanti
• Yulianti Parani
• James Danandjaja
• Valerianus Welly

• Adella dan Aletta
• Jety Maika
• Chendra E Panatan
• Dea Valencia

Wikimedia Commons duwé médhia ngenani Ballet.

• American Ballet Theatre: Kamus Istilah Balet
• Chisholm, Hugh, èd. (1911). "Ballet" . Encyclopædia Britannica (ing basa Inggris) (édhisi ka-11). Cambridge University Press.