Tchecoslovakia

Tchecoslovakia o anc scrit Tchecoslovacia esset un state in Europa. It existet inter 1918 e 1938 e denov inter 1945 til 1992. Pos to it disoluet se totmen in li du soveran states Tchechia e Slovacia.

Li cité capital esset Praha e it havet 15,7 miliones habitantes.

Tchecoslovakia esset format in li annu 1918 pos li Unesim Guerre Mundal ex territories del Austrian-Hungarian Imperie. Li land consistet ex diferent national gruppes.

In li annu 1938 Tchecoslovakia esset ocupat del nationalsocialistic Germania. Sub li pretexte del protection del german minoritá in li Sudetenland li nationalsocialistes ocupat li land. Li Sudetenland, Bohemia e Moravia devenit partes de Germania. Slovacia devenit per li auxilie de Germania un quasi soveran state.

Pos li defete de Germania in li Duesim Guerre Mundal Tchecoslovakia esset reestablisset quam state. Li german population esset expulset ex li land. Inter li protection del Soviet-Union Tchecoslovakia devenit un comunistic state e membre del Pacte de Warshzawa.

Pos li fine del comunisme in Europa in li annus 1989/1990 Tchecoslovia devenit un parlamentari democratie. Ma li conflictes inter su du partes Tchechia e Slovacia crescet e pro to on decidet dissoluar pacificmen li comun state in li annu 1991. Ye li 1im de januar 1992 Tchechia e Slovacia devenit índependent states.