Օվաջիկի գավառակ

Օվաջիկ, գավառակ Արևմտյան Հայաստանում, Խարբերդի վիլայեթի Դերսիմի գավառում։ Կենտրոնը սկզբում Զեռնակ գյուղն էր, իսկ ապա Օվաջիկ գյուղաքաղաքը։

Տարածքով համապատասխանում է Բարձր Հայքի Մնձուր գավառին։

Հարավից սահմանակից է Խոզաթի, արևելքից` Խուզիչան, արևմուտքից Չմշկածագի գավառակներին, իսկ հյուսիսից սահմանափակվում է Մարջան լեռնաշղթայով։

Ունի խիստ լեռնային և անտառապատ տարածք։

Գավառակում է գտնվում Օվաջիկի դաշտը, որտեղ սկիզբ է առնում Մնձուր գետն իր Մերջան և Խաղաջուր վտակներով։

Ունի սաստիկ ցուրտ ձմեռներ, որի ժամանակ առատ ձյուն է տեղում։

XX դարի սկզբերին ուներ 5279 տուն` 36330 բնակչով, որից 1164 տունը հայեր` 11 640 բնակչով, իսկ 4115 տուն` 24 690 բնակչով քրդեր։

Մշակում էին ցորեն, գարի, կորեկ։

XX դարի սկզբին ուներ 43 գյուղ, որից 26-ը քրդաբնակ էին, իսկ 16-ը` հայ և քուրդ խառը բնակչությամբ։ Կաղնուտ գյուղը զուտ հայաբնակ էր^[1]։

• Խարբերդի նահանգի հայաբնակ բնակավայրեր

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն