Տիկ, անասունների (այծ, ձի և այլն) ամբողջական մորթուց պատրաստված պարկ՝ հեղուկներ (ջուր, գինի, օղի, կումիս, թան և այլն) և սննդամթերք (պանիր, ժաժիկ և այլն) պահելու համար։
Անցյալում տարածված է եղել աշխարհի շատ երկրներում։ Հին Արևելքում օդով լցված տիկերով լողացել են գետերում, դրանք ամրացվել են լաստանավերին՝ բեռնատարողությունը բարձրացնելու և սուզվելու վտանգից զերծ պահելու համար։ Հաճախ օգտագործվել են ռազմական կամուրջներ կառուցելիս՝ իբրև բարձրացնող ուժ։ Օդով լցված տիկերը գործածվում են նաև որպես երաժշտական հատուկ գործիքի մաս։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 12, էջ 7)։
