Պավել Սաֆարյան

Վիքիպեդիայում կան հոդվածներ Սաֆարյան ազգանունով այլ մարդկանց մասին։

Պավել Դանտոնի Սաֆարյան (նոյեմբերի 20, 1958(1958-11-20), Բասարգեչարի շրջան, Հայկական ԽՍՀ, ԽՍՀՄ), ՀՀ պետական գործիչ։

• 1976-1980 թվականներ - սովորել և ավարտել է Երևանի ժողովրդական տնտեսության ինստիտուտը։
• 1989թվական - Տնտեսագիտության թեկնածու։ 30-ից ավելի գիտական աշխատանքների հեղինակ։

• 1984-1989 թվականներ - դասավանդել է Երևանի պոլիտեխնիկական ինստիտուտում և Խ. Աբովյանի անվան հայկական պետական մանկավարժական ինստիտուտում։
• 2013-2019 թվականներ - դասավանդել է Հայաստանի պետական տնտեսագիտական համալսարանում։
• 2006 թվականից դասավանդում է ՀՀ պետական կառավարման ակադեմիայում։

• 1980 թվականի աշխատել է ՀԽՍՀ ԳԱ տնտեսագիտության ինստիտուտում՝ որպես տնտեսագետ։
• 1980-1982 թվականներ - ծառայել է Խորհրդային բանակում։
• 1982-1990 թվականներ - աշխատել է ՀԽՍՀ ԳԱ տնտեսագիտության ինստիտուտում՝ որպես տնտեսագետ, ավագ տնտեսագետ, ապա՝ գիտաշխատող։
• 1990-1991 թվականներ - ՀՀ նախարարների խորհրդի տնտեսական բարեփոխումների հանձնաժողովի ֆինանսական բաժնի տնտեսական խորհրդատու, այնուհետև՝ բաժնի պետ։
• 1991-1994 թվականներ - ՀՀ նախարարների խորհրդին առընթեր գլխավոր պետական հարկային տեսչության պետի տեղակալ։
• 1994-1997 թվականներ - ՀՀ հարկային պետական տեսչության պետ–նախարար։

ՀՀ հարկային ծառայությունում պաշտոնավարման տարիներին նրա մասնակցությամբ և ղեկավարմամբ հիմք է դրվել անկախ Հայաստանի հարկայինն օրենսդրության և հարկային համակարգի ստեղծմանը։

• 1997-2001 թվականներ - ՀՀ ֆինանսների և էկոնոմիկայի նախարարի տեղակալ։
• 2001-2008 թվականներ - ՀՀ ֆինանսների և էկոնոմիկայի նախարարի առաջին տեղակալ։
• 2008-2016 թվականներ - ՀՀ ֆինանսների նախարարի առաջին տեղակալ։

ՀՀ Ֆինանսների նախարարությունում պաշտոնավարելիս համակարգել է ՀՀ պետական բյուջեի նախագծերի կազման օրենսդրությամբ վերապահված գործառույթների իրականացման աշխատանքները։           Ղեկավարել և անմիջական մասնակցություն է ունեցել 1997-2017 թթ. ՀՀ տարեկան բյուջեների մշակման և քննարկման պրոցեսներին։

Նախաձեռնել և համակարգել է պետական ֆինանսների կառավարման բնագավառի մի շարք բարեփոխումներ.

1. Նրա ղեկավարությամբ ներդրվել է ՀՀ պետական միջինժամկետ ծախսերի ծրագրավորման համակարգը;
2. 2002-2016 թթ ղեկավարել է ՀՀ միջինժամկետ ծախսերի ծրագրերի մշակման աշխատանքները համակարգող մշտապես գործող խորհուրդը։  
3. 2005թ համակարգել է  Հայաստանում ծրագրային (արդ­յուն­քի վրա հիմնված) բյուջետավորման ներդրման բարեփոխումների աշխատանքները։ Այդ աշխատանքների շնորհիվ սկսած 2019թ. ՀՀ-ում օրենսդրորեն ամբողջական անցում կատարվեց պետական բյուջեի ծրագրային ձևաչափին
4. Համակարգել է Պետական ծախսերի և Ֆինանսական Հաշվետվողականության զեկույցի պատրաստման աշխատանքային խումբը,որի արդյունքում 2008թ. ՀՀ-ում առաջին անգամ պաշտոնապես իրականացվել է պետական ֆինանսների կառավարման համակարգի գնահատում:Այդ աշխատանքները նույն խմբի կողմից իրականացվեցին նաև 2014 թվականին;
5. Նրա նախաձեռնությամբ ՀՀ ֆինանսների նախարարության ենթակայության ներքո 2002թ. Ստեղծվել է Հայ-ամերիկյան «Ուսուցման կենտրոն» ՊՈԱԿ-ը, որի կառավարման խորհր­դի նախագահն է հանդիսացել 2003-2016թթ։

• 2013թ. 3 տարի ժամկետով ընտրվել և պաշտոնավարել է, որպես Եվրոխորհրդի բյուջետային հանձնաժողովի իսկական անդամ։
• 2014 թ. նշանակվել է Ասիական զարգացման բանկի կառավարիչների խորհրդում Հայաստանի Հանրապետության կառավարչին փոխարինող անձ (փոխկառավարիչ)^[1]։
• 2016-2018 ՀՀ տնտեսական զարգացման և ներդրումների  նախարարի գլխավոր խորհրդական։
• 2018-ից «ԱՎԱԳ ՍՈԼՅՈՒՇՆՍ»  ՍՊԸ, խորհրդատու։
• 2019-ից Մոսկվայի Մ.Լոմոնոսովի անվան պետական համալսարանի Երևանյան մասնաճյուղի գործադիր տնօրեն։

• Անանիա Շիրակացու մեդալ։
• ՀՀ պաշտպանության նախարարության և ՀՀ ոստիկանության մեդալներ։
• «Ֆրիտյոֆ Նանսենի» հուշամեդալ Ֆրիտյոֆ Նանսենի անվան հիմնադրամի կողմից։

Անկուսակցական է։ Ամուսնացած է, ունի մեկ որդի և մեկ դուստր։ Տիրապետում է ռուսերեն և ֆրանսերեն լեզուներին։

դ ք խ ՀՀ հարկային մարմինների ղեկավարներ Հարկային պետական տեսչության պետ: Սուրեն Մուշեղի Սահակյան (1991-1992) • Հուսիկ Սուրենի Հարությունյան (1992-1993) • Սուրեն Մուշեղի Սահակյան (1993-1994) • Պավել Դանտոնի Սաֆարյան (1994-1997) • Արտաշես Սամվելի Թումանյան (1997-1999) Պետական եկամուտների նախարարներ: Սմբատ ժիրայրի Այվազյան (1998-2000) • Գագիկ Խաչատուրի Պողոսյան (2000թ. մայիս-նոյեմբեր) • Անդրանիկ Ենոքի Մանուկյան (2000-2001) • Երվանդ Վազգենի Զախարյան (2001-2002) Հարկային պետական ծառայության պետեր: Երվանդ Վազգենի Զախարյան (2002-2003) • Ֆելիքս Խոստեղի Ցոլակյան (2003-2007) • Վահրամ Միքայելի Բարսեղյան (2007-2008) Պետական եկամուտների կոմիտեի նախագահ: Գագիկ Գուրգենի Խաչատրյան (2008-2014) Ֆինանսների նախարար: Գագիկ Գուրգենի Խաչատրյան (2014-2016) Պետական եկամուտների կոմիտեի նախագահ: Հովհաննես Աշոտի Հովսեփյան (2016-2016) Վարդան Հարությունյան (2016-ից)