Գրեյս Բամբրի

Գրեյս Բամբրի
Բնօրինակ անուն	անգլ.՝ Grace Bumbry
Ի ծնե անուն	անգլ.՝ Grace Bumbry
Նաև հայտնի է որպես	La Vénus noire
Ծնվել է	հունվարի 4, 1937[…]; Սենթ Լուիս, Միսսուրի, ԱՄՆ
Երկիր	ԱՄՆ
Մահացել է	մայիսի 7, 2023[…] (86 տարեկան); Վիեննա, Ավստրիա
Ժանրեր	օպերա և սպիրիչուելս
Մասնագիտություն	օպերային երգչուհի
Երգչաձայն	մեցցո-սոպրանո, սոպրանո և Ֆալկոն սոպրանո
Գործիքներ	վոկալ
Լեյբլ	EMI, Գերմանական գրամոֆոն, Philips Records և Դեկա Ռեկորդս
Կրթություն	Հյուսիսարևմտյան համալսարան, Արևմուտքի երաժշտական ակադեմիա, Bienen School of Music?, Բոստոնի համալսարանի կերպարվեստի քոլեջ և Sumner High School?
Պարգևներ	և Metropolitan Opera National Council Auditions?
Կայք	gracebumbry.com
	Grace Bumbry Վիքիպահեստում

Գրեյս Բամբրի (անգլ.՝ Grace Bumbry, հունվարի 4, 1937(1937-01-04)^[1]^[2]^[3]^[…], Սենթ Լուիս, Միսսուրի, ԱՄՆ^[4] - մայիսի 7, 2023(2023-05-07)^[5]^[1]^[2]^[…], Վիեննա, Ավստրիա), ամերիկացի օպերային մեցցո-սոպրանո և սոպրանո, իր սերնդի առաջատար օպերային երգչուհիներից մեկը։

Կենսագրություն

Ծնվել է Միսսուրի նահանգի Սենթ Լուիս քաղաքում, հայրը երկաթուղային բեռնակիր էր, իսկ մայրը՝ դպրոցի ուսուցչուհի։ Ավարտել է հայրենի քաղաքի Չառլզ Սամների անվան բարձրագույն դպրոցը, որն առաջին հաստատությունն էր սևամորթների համար։ Տասնյոթ տարեկանում հաղթել է առաջին ռադիոմրցույթը, սակայն տեղական կոնսերվատորիա չի ընդունվել մաշկի գույնի պատճառով, բայց մրցույթի կազմակերպիչներն օգնել են նրան ընդունվել Բոստոնի համալսարան։ Հետագայում ուսումը շարունակել է Սանտա Բարբարայի Երաժշտության արևմտյան ակադեմիայում։ 1958 թվականին դարձել է Մետրոպոլիտեն օպերայի ունկնդրումների ազգային խորհրդի մրցույթի հաղթող, նույն թվականին Փարիզում տեղի է ունեցել նրա առաջին մենահամերգը։ Օպերային դեբյուտը կատարել է Փարիզի օպերայում՝ հանդես գալով Ամներիսի դերերգով, նույն տարուց սկսել երգել Բազելյան օպերային թատրոնում։

Միջազգային ճանաչում է ձեռք բերել 1961 թվականին 24 տարեկանում, երբ Վեներայի դերերգը կատարել է Բայրոյթյան փառատոնի ժամանակ՝ դառնալով դրան մասնակցած առաջին սևամորթը։ 1963 թվականին առաջին անգամ հանդես է եկել Լոնդոնի Կովենտ գարդեն արքունական թատրոնում, 1964 թվականին՝ Լա Սկալայում, իսկ 1965 թվականին՝ Մետրոպոլիտեն օպերայում։ Սկզբում կատարել է մեցցո-սոպրանոյի համար գրված դերերգեր, բայց 1970-ական թվականների կեսին ընդլայնել է երգացանկն ու անցել սոպրանո դերերին (որպես սոպրանո դեբյուտը տեղի է ունեցել 1964 թվականին Վիեննայի օպերայում), մինչև 1980-ական թվականների վերջերը կենտրոնանալով բացառապես դրամատիկ դերերի վրա, իսկ 1990-ականներին կրկին վերադարձել է մեցցո-սոպրանո կատարումներին։

Ժակլին Քենեդիի հրավերով երգել է Սպիտակ տանը (կրկին երգել է այնտեղ 1981 թվականին Ռոնալդ Ռեյգանի երդմնակալության արարողության ժամանակ)։ 1980-ական թվականների վերջից մեծի մասամբ հանդես է եկել Եվրոպայում, երկար տարիներ բնակվել Շվեյցարիայում, այժմ ապրում է Զալցբուրգում։ 1990-ական թվականների կեսին հիմնադրել է սեփական անսամբլը, որը կատարում է աֆրոամերիկյան ազգային երգեր։ Օպերային բեմին հրաժեշտ է տվել 1997 թվականին ու սկսել դասավանդել ու որպես ժյուրիի անդամ հանդես գալ տարբեր միջազգային մրցույթներում։ 2001 — 2002 թվականների ընթացքում մի շարք համերգներ է տվել, 2013 թվականին վերադարձել օպերային բեմ և Վիեննայի օպերայում կատարել կոմսուհու դերը «Պիկովայա դամա» օպերայից^[7]։

Պարգևատրվել է բազմիցս, այդ թվում՝ ՅՈՒՆԵՍԿՕ-ի մրցանակով, կատարողական արվեստում ունեցած ներդրման համար Քեննեդի կենտրոնի մրցանակով, ընդգրկվել է Սենթ Լուիսի փառքի ծառուղում։

Ձայնագրությունների մեծ մասը մեցցոյի ժամանակաշրջանից է, որոնց թվում են՝ առնվազն երկու Կարմենները և երեք Ամներիսները, Վեներան, Էբոլին, ինչպես նաև Լեդի Մակբեթի դերերգը «Մակբեթ» օպերայից^[8]։

Երկար տարիներ ապրել է Շվեյցարիայում, վերջին տարիներն անցկացրել է Վիեննայում, որտեղ և մահացել է 2023 թվականի մայիսի 7-ին^[9]։

Տես նաև

Ծանոթագրություններ

↑ ^1,0 ^1,1 ^1,2 ^1,3 ^1,4 Internet Movie Database — 1990.
↑ ^2,0 ^2,1 ^2,2 ^2,3 ^2,4 Discogs — 2000.
↑ ^3,0 ^3,1 Բրոքհաուզի հանրագիտարան (գերմ.)
↑ ^4,0 ^4,1 ^4,2 Southern E. Biographical Dictionary of Afro-American and African Musicians — Greenwood Publishing Group, 1982.
↑ ^5,0 ^5,1 ^5,2 https://wien.orf.at/stories/3206389/
↑ https://www.siv.archives-nationales.culture.gouv.fr/siv/rechercheconsultation/consultation/ir/pdfIR.action?irId=FRAN_IR_026438
↑ Cortina, Álvaro (21 January 2013). "Tchaikovsky en Viena". El Mundo. Retrieved 23 January 2013(իսպ.).
↑ «Грейс Бамбри (Grace Bumbry) | Belcanto.ru». www.belcanto.ru. Վերցված է 2019 թ․ հոկտեմբերի 22-ին.
↑ «Opernstar Grace Bumbry gestorben». orf.at. 2023 թ․ մայիսի 8. Վերցված է 2023 թ․ մայիսի 8-ին.

Արտաքին հղումներ

Boston University Online: "Amazing Grace"
answers.com Grace Bumbry, includes reprint of a magazine article
MusicianGuide.com biography
Opera News story on Grace Bumbry
St. Louis Walk of Fame page for Grace Bumbry
Time magazine review, 16 November 1962 Արխիվացված 23 Օգոստոս 2013 Wayback Machine
Time magazine review on recital at White House 1962 Արխիվացված 2013-08-23 Wayback Machine
Andante.com review of recital in New York, February 2002
Грейс Бамбри на сайте Оperissimo

Վիքիպահեստն ունի նյութեր, որոնք վերաբերում են «Գրեյս Բամբրի» հոդվածին։

[_62ec6c55d17d7b2b-1] 1,0 ^1,1 ^1,2 ^1,3 ^1,4 Internet Movie Database — 1990.

[_c38b51940663ac56-2] 2,0 ^2,1 ^2,2 ^2,3 ^2,4 Discogs — 2000.

[_b3869d42d2893188-3] 3,0 ^3,1 Բրոքհաուզի հանրագիտարան (գերմ.)

[_d50d650721afd660-4] 4,0 ^4,1 ^4,2 Southern E. Biographical Dictionary of Afro-American and African Musicians — Greenwood Publishing Group, 1982.

[_4781e40086fe469d-5] 5,0 ^5,1 ^5,2 https://wien.orf.at/stories/3206389/

[_4b57a0cc3674ee53-6] ttps://www.siv.archives-nationales.culture.gouv.fr/siv/rechercheconsultation/consultation/ir/pdfIR.action?irId=FRAN_IR_026438

[7] Cortina, Álvaro (21 January 2013). "Tchaikovsky en Viena". El Mundo. Retrieved 23 January 2013(իսպ.).

[8] «Грейс Бамбри (Grace Bumbry) | Belcanto.ru». www.belcanto.ru. Վերցված է 2019 թ․ հոկտեմբերի 22-ին.

[9] «Opernstar Grace Bumbry gestorben». orf.at. 2023 թ․ մայիսի 8. Վերցված է 2023 թ․ մայիսի 8-ին.

[1]